मुंबई : बिग बॉस ओटीटी 3 (Bigg Boss OTT 3) चांगलाच चर्चेत राहिला आहे. या शोमधील स्पर्धक अरमान मलिक आणि त्याच्या दोन्ही बायकांसह शोमध्ये एन्ट्री घेतल्यानंतर खूप चर्चा झाली. या त्यांना नेटकऱ्यांनी खूप ट्रोल केलं. अरमानची पहिली पत्नी पायल आधीच घराबाहेर केली आहे. त्यानंतर नुकतच अरमान मलिक आणि लवकेश यांना बिग बॉस ओटीटीच्या घरातून बाहेर पडले. याआधी बिग बॉस ओटीटीच्या घरात मीडियाची एन्ट्री झाली होती. पत्रकारांनी अरमान मलिकसह स्पर्धकांना धारेवर धरत सणसणीत प्रश्न विचारले होते.
अरमानसोबत लग्नानंतर कृतिकाने केला होता आत्महत्येचा प्रयत्न
अरमान आणि कृतिका घराबाहेर पडण्याआधी त्यांना पत्रकारांच्या तोफेला सामोरं जावं लागलं. बिग बॉस ओटीटीच्या घरात मीडियाने अरमान मलिक आणि कृतिकावर तिखट प्रश्न विचारले होते. मीडियाशी बोलताना कृतिकाने अनेक मुद्द्यांवर खुलासा केला होता. कृतिकानं यावेळी सांगितलं होतं की, अरमान मलिकसोबत लग्न केल्यानंतर तिने आत्महत्येचा प्रयत्नही केला होता.
पायलला डायन आणि धोखेबाज टॅग
मीडियाने बिग बॉस ओटीटीच्या घरात प्रवेश केला तेव्हा कृतिकावर गंभीर आरोप केले. मीडियाने कृतिका पायल मलिकच्या असहायतेचा फायदा घेत तिचं घर मोडण्याचा प्रयत्न केल्याचा आरोप केला. मात्र, या पद्धतीने गंभीर आरोप झाल्यानंतर पायल मलिक पूर्णपणे खचली होती.
युट्यूबरच्या दुसऱ्या पत्नीचा खुलासा
यादरम्यान, पायने खुलासा केला की तिने एकदा आत्महत्या करण्याच्या प्रयत्न केला होता. मीडियाने कृतिकाला म्हटलं की, डायनही सात घरं सोडून हल्ला करतो आणि तू तुझ्या बहिणीसारख्या मैत्रिणीच्या पाठीत वार केलास. जर तू अरमानची पहिली बायको असतीस आणि पायलने तुझ्या नवऱ्याशी दुसरं लग्न केलं असतं तर तुला ते सहन करता आलं असतं का? असा प्रश्न विचारला.
"हे नातं पायलमुळे टिकलं आहे"
या प्रश्नाला उत्तर देताना कृतिकाने खुलासा केला की, अरमानसोबत लग्न केल्यानंतर तिने एकदा आत्महत्येचा प्रयत्न केला होता. कृतिकाने यावेळी सांगितलं की, "मी एक वेळ अशी होती, जेव्हा मी आत्महत्येचा प्रयत्न केला होता. आम्ही तिघे वेगळेही झाले होतो. मी अरमानपासून दूर झाले होते आणि पायलही आमच्या आयुष्यातून निघून गेली होती. पण, अरमानपासून दूर गेल्यावर मला जाणवलं की, मी त्याच्याशिवाय जगू शकतं नाही. दरम्यान, यानंतर आम्ही पायलमुळे एकत्र आलो. हे नातं पायलमुळे इथंपर्यंत पोहोचलो आहे."
महत्त्वाच्या इतर बातम्या :