Bigg Boss Marathi Winner Suraj Chavhan : नुकतंच मराठी बिग बॉसची (Bigg Boss Marathi 5) सांगता झाली. बिग बॉसच्या यंदाच्या पर्वाची ट्रॉफी बारामतीच्या (Baramati) गुलिगत झापुक झुपूक फेम सूरज चव्हाण (Suraj Chavhan) यानं उंचावली. बिग बॉसच्या संपूर्ण पर्वात सोशल मीडियावर सूरज चव्हाणचीच चर्चा होती. बारामतीजवळच्या मोढवे गावातील रीलस्टार सूरज चव्हाण बिग बॉसची ट्रॉफी घेऊन आपल्या गावी पोहोचला. त्यावेळी अख्ख्या बारामतीत जल्लोष पाहायला मिळाला. बिग बॉसच्या घरात सूरजच्या तोंडी नेहमीच पिल्लू, बच्चा असे शब्द होते. तर, अनेकदा त्याच्या लग्नाच्या चर्चाही रंगल्या होत्या. अशातच आता सूरजचा एक व्हिडीओ सोशल मीडियावर व्हायरल होत आहे. यामध्ये सूरज चव्हाण एका मिस्ट्री गर्लसोबत दिसत आहे. सूरजचा व्हिडीओ पाहून हीच आमची वहिनी शोभेल, वहिनी सापडली, अशा कमेंट्स करत असल्याचं पाहायला मिळत आहे.
बिग बॉस जिंकल्यानंतर सूरज चव्हाण आपल्या गावी म्हणजे, बारामतीत पोहोचला. त्यावेळी त्याला भेटण्यासाठी अनेकांनी गर्दी केली होती. आपल्या गावी पोहोचल्यावर त्याला अनेकजण भेटण्यासाठी आले होते. त्या गर्दीत 'ती'सुद्धा होती. दोघांचा व्हिडीओ सोशल मीडियावर व्हायरल होत आहे. सूरज आणि तिला पाहून नेटकऱ्यांनी सूरजला लग्नाचा सल्ला दिला आहे.
"तू माझी हिरोईन आहेस..."
व्हायरल होणाऱ्या व्हिडीओमध्ये ती सूरजला विचारते की, "विसरलाय होय मला". त्यावर सूरज थोडं लाडून नकार देतो आणि म्हणतो की, "तू माझी हिरोईन आहेस..." त्यावर ती म्हणते, "मला वाटलं की तू मला विसरलास...", तेवढ्यात इतर कुणीतरी म्हणतं की, निक्की त्याची बहीण आहे... त्यानंतर ती सूरजचं अभिनंदन करते आणि असाच आयुष्यात पुढे जा, असं म्हणते.
व्हिडीओमध्ये सूरजसोबत दिसणारी 'ती' कोण?
सूरज चव्हाणसोबत व्हिडीओमध्ये दिसणाऱ्या तरुणीचं नाव काजल शिंदे आहे. काजल स्वतः एक इन्फ्लुएन्सर असून यापूर्वी तिनं सूरजसोबत अनेक रिल्स आणि व्हिडीओमध्ये काम केलं आहे. सूरज ट्रॉफी घेऊन गावी परतल्यावर काजल त्याला भेटण्यासाठी आली होती. तिनं सूरजसोबत मनमोकळ्या गप्पा मारल्या. आणि शेवटी त्याचं अभिनंदन केल आणि आयुष्यात पुढे जा, असंही त्याला म्हणाली.
महत्त्वाच्या इतर बातम्या :