Bigg Boss Marathi New Season Day 33 : 'बिग बॉस मराठी'च्या (Bigg Boss Marathi Season 5) घरात मागील काही दिवसांपासून काही नवीन समीकरणे जुळताना दिसत आहेत. मात्र, या नव्या समीकरणात निक्की तांबोळी (Nikki Tamboli) ही एकटी पडत असल्याचे दिसत आहे. घरातील सगळे सदस्य तिच्याविरोधात गेले आहेत. तर, त्याच वेळी अरबाज पटेल हा निक्की आणि अभिजीत सावंतच्या (Abhijeet Sawant) मैत्रीवर पझेसिव्ह असल्याचे दिसून येत आहे. तर, निक्कीसोबत असलेल्या मैत्रीमुळे अभिजीतवरही त्याच्या ग्रुप बी मधून टीका होत आहे. या सगळ्यात आता अभिजीतच्या एका निर्णयामुळे घरातील सगळेच सदस्य त्याला सॅल्यूट करणार आहेत. आता या निर्णयाचा काय परिणाम होईल हे बिग बॉसमध्ये दिसून येईल.
'बिग बॉस मराठी'च्या घरात कधी काय राडा होईल सांगता येत नाही. आज घरातील सर्व मंडळी पातळलोकात सोन्याची नाणी शोधायला जाणार आहेत. यात कोण कोणावर भारी पडणार याकडे सर्वांचच लक्ष लागलं आहे. टीम ए विरुद्ध टीम बी असा हा टास्क पार पडणार आहे.
'बिग बॉस मराठी'मध्ये बीबी करन्सी मिळवण्यासाठी घरातील सदस्यांना " मानकाप्या राहत असलेल्या पाताळलोकात सोन्याची नाणी शोधावी लागणार आहेत. ही सोन्याची नाणी मिळवण्यासाठी दोन्ही गटांमध्ये जोरदार वादावादी होणार आहे.
बिग बॉस मराठीच्या प्रोमोनुसार, टास्कमध्ये अरबाज आर्याला म्हणतोय,"आर्या आपले कमी (सोन्याची नाणी) आहेत..लवकर नाणी आण". दरम्यान घराची कॅप्टन असलेली निक्की मात्र टीम बी ने जमा केलेली नाणी वॅलिड नाही असं म्हणते. यावर डीपी दादा आक्रमक होत म्हणतात,"खायला अन्न मिळणार आहे त्या करन्सीवर". तर, त्याच्या पुढे अभिजीत म्हणतो की,"यापुढे मला पार्टनर बनायचं नाही".
अभिजीतच्या या निर्णयावर घरातील इतर सदस्य त्याचं कौतुक करत त्याला सॅल्युट देताना दिसून येतात. अभिजीत आणि निक्कीची एक जोडी होती. पण आता अभिजीतला निक्कीचा खेळ पटत नसल्याने त्याने तिला सोडलं असल्याचा अंदाज बांधला जात आहे. आता नेमकं टास्क दरम्यान काय होणार, अभिजीतने निक्कीसोबत जोडी तोडल्याने बिग बॉस काही शिक्षा देतील का, अभिजीतने साथ सोडल्याने आता घरात निक्की एकटी पडणार का? हे आजच्या एपिसोडमध्ये दिसून येईल.