Bigg Boss Marathi Day 43 : 'बिग बॉस मराठी'च्या नव्या सीझनची प्रेक्षकांमध्ये चांगलीच क्रेझ पाहायला मिळत आहे. एकीकडे घरातील सदस्यांचा कल्ला पाहता दुसरीकडे वाईल्ड कार्ड सदस्यांच्या नावाची चर्चा सुरु झाली होती. पहिल्या आठवड्यापासूनच बिग बॉसच्या यंदाच्या सीझनमध्ये कोण वाईल्ड कार्ड सदस्य सहभागी होणार याकडे बिग बॉसप्रेमींचं लक्ष लागलं होतं. आतापर्यंत वाईल्ड कार्ड सदस्याबद्दल अनेक नावे समोर आली. आता बिग बॉस मराठीच्या घरात या आठवड्यात खरचं वाईल्ड कार्ड एन्ट्री होणार का? घरात कोण सदस्य येणार? हे पाहणं महत्त्वाचं ठरेल.
बिग बॉस मराठीच्या घरात आज होणार पहिली Wild Card एन्ट्री
आज बिग बॉस मराठीच्या घरात पहिल्या वाईल्ड कार्ड सदस्याची एन्ट्री होणार आहे. 'बिग बॉस मराठी'चा नवीन प्रोमो समोर आला आहे. बिग बॉस मराठीच्या आजचा सर्वांनाच विचार करायला भाग पाडणारा आहे. बिग बॉस मराठीच्या प्रोमोमध्ये, तो आहे मर्द रांगडा आणि मनाचा राजा...अस्सल फौलाद घालणार 'बिग बॉस'च्या घरात राडा, असं म्हटलं गेलं आहे. त्यामुळे अरबाज, वैभवला टक्कर देणारा हा नवा सदस्य कोण? या प्रश्नाचं कोडं आज सुटणार आहे.
कोण असेल हा सदस्य?
गेल्या आठवड्यात बी बी करन्सीसाठी आणि बी बी फार्ममध्ये सदस्यांनी घातलेला राडा, नियमांचं उल्लंघनाबद्दल रितेश भाऊने सदस्यांची चांगलीच शाळा घेतली. छोटा पुढारी घन:श्याम दरवडेने या आठवड्यात 'बिग बॉस मराठी'च्या घराचा निरोप घेतला. आता नव्या सदस्याच्या येण्याने बिग बॉसच्या घरात काय बदल घडणार हे पाहावे लागेल.
बिग बॉसच्या घरात एक गडी रांगडा येणार
घन:श्याम दरवडे 'बिग बॉस मराठी'च्या घरामधून बाहेर
छोटा पुढारी अर्थात घन:श्याम दरवडे 'बिग बॉस मराठी'च्या घरामधून बाहेर पडला आहे. आपल्या बोलण्याच्या शैलीमुळे प्रसिद्ध झालेल्या घन:श्यामने 'बिग बॉस मराठी'च्या घरातही चांगलाच धमाका केला. संपूर्ण महाराष्ट्राच्या मनामध्ये राज्य करण्याचा प्रयत्न घन:श्यामने केला. गर्दी जमवणारा, सभा गाजवणारा, व्यासपीठावरुन भल्याभल्यांना घाम फोडणाऱ्या छोट्या पुढारीची बिग बॉस मराठीच्या घरातही चांगलीच हवा होती. त्याचे अनेक व्हिडीओ सोशल मीडियावर चांगलेच व्हायरल झाले.
महत्त्वाच्या इतर बातम्या :