Bigg Boss Marathi Season 5 : बिग बॉस मराठीच्या घरात (Bigg Boss Marathi Season 5) हा आठवडा स्पर्धकांनी एकत्र येऊन एकाच स्पर्धकाच्या विरोधात जाऊन गाजवला. निक्की विरुद्ध घरातील इतर सदस्य अशी परिस्थिती घरात पाहायला मिळाली. त्यामुळे निक्कीच्या वागण्यावर या आठवड्यात घरातल्या सगळ्यांनीच तीव्र नाराजी व्यक्त केली. पण भाऊच्या धक्क्यावर मात्र या सगळ्यांची चांगलीच शाळा घेतली जाणार असल्याचं पाहायला मिळणार आहे.
'बिग बॉस मराठी'चा लयभारी खेळ दिवसेंदिवस प्रेक्षकांच्या पसंतीस उतरत आहे. आज भाऊच्या धक्क्यावर रितेश देशमुख घरातील सर्व सदस्यांची चांगलीच शाळा घेताना दिसून येणार आहे. दरम्यान रॅपर आर्याचीदेखील कानउघडणी करताना रितेश भाऊ दिसेल. "मला सांगू नका तुम्ही कसे दिसताय", असं म्हणत रितेश भाऊ आर्याची जोरदार शाळा घेताना दिसणार आहे.
निक्की माझा गेम नाही - आर्या जाधव
प्रोमोमध्ये रितेश आर्याला म्हणतोय,"तुमचा गेम निक्कीशिवाय दिसत नाही". यावर उत्तर देत आर्या म्हणते,"निक्की प्रॉब्लेम क्रिएट करते. आम्ही त्याच्यावर रिअॅक्शन देतो". दरम्यान आर्याला थांबवत रितेश म्हणतो,"आम्ही नाही... तुम्ही स्वत:बद्दल बोला". त्यावर आर्या म्हणते,"निक्की माझा गेम नाही आहे". यावर रितेश भाऊ म्हणतो,"तुम्हाला असं वाटतं तुमचा गेम नाही आहे... आता तुम्ही जे दिसताय ते फक्त निक्कीच्या रिअॅक्शनवर दिसताय. मला इथे सांगू नका तुम्ही कसे दिसताय".
भाऊच्या धक्क्यावर सगळ्यांना मिळणार रिअॅलिटी चेक
भाऊच्या धक्क्यावर रितेश देशमुख सदस्यांना एक वेगळा रिअॅलिटी चेक देताना दिसणार आहे. बिग बॉस मराठी हा ग्रुपगेम नाही. त्यामुळे दुसऱ्याचं चांगलं करण्यासाठी स्वत: वाईट होऊ नका, असा सल्ला रितेश भाऊ सदस्यांना देताना दिसणार आहे. दरम्यान अरबाजच्याही वागण्याचा खुलासा आता रितेश भाऊकडून केला जाणार आहे. त्यामुळे आता घरातल्या सदस्यांना कोणता मोठा धक्का बसणार याची उत्सुकता सगळ्यांना लागून राहिली आहे.