मुंबई : छोट्या पडद्यावरील मनोरंजनाचा बॉस बिग बॉस मराठीच्या (Bigg Boss Marathi 5) नव्या पर्वाला धूमधडाक्यात सुरुवात झाली आहे. मराठी मनोरंजनाचा राजा पॅडी उर्फ पंढरीनाथ कांबळे याने बिग बॉस मराठीच्या घरात एन्ट्री घेतली आहे. बिग बॉस मराठीच्या चक्रव्युहात स्पर्धक अडकणार आणि आणखी काय धमाल उडणार हे पाहण्यासाठी आता प्रेक्षक फारच उत्सुक आहेत.
यंदा सगळे चक्रव्युहात अडकणार
बिग बॉस मराठीच्या घरात पुढील 100 दिवस सर्व स्पर्धक उडकणार आहे. यंदा सगळेच स्पर्धक बिग बॉस मराठीच्या चक्रव्युहात अडकणार आहेत. छोट्या पडद्यावरील मनोरंजनाचा बॉस बिग बॉस शोची प्रेक्षक आतुरतने वाट पाहत होते. आता अखेर बिग बॉस प्रेमींची प्रतीक्षा संपली आहे.
रितेश भाऊमुळे 'बिग बॉस' आणखी ग्रँड होणार
काही दिवसांपूर्वीच 'बिग बॉस मराठी'चा धमाकेदार प्रोमो प्रेक्षकांच्या भेटीला आला. या प्रोमोवरुन रितेश भाऊमुळे 'बिग बॉस' आणखी ग्रँड होणार असल्याचं स्पष्ट झालं. अशातच आता पुन्हा एकदा नव्या पर्वाचा नवा प्रोमो प्रेक्षकांच्या भेटीला आला आहे. हिंदी-मराठी मनोरंजनसृष्टी गाजवणारा संपूर्ण महाराष्ट्राचा लाडका सुपरस्टार रितेश देशमुख यंदाचा सीझन वाजवायला सज्ज आहे.
वर्षा उसगांवकरांनी बिग बॉसच्या घरात
स्टार प्रवाह वाहिनीवरील 'सुख म्हणजे नक्की काय असतं' या मालिकेतून वर्षा उसगांवकर यांच्या पात्राने निरोप घेतला होता. त्यानंतर वर्षा उसगांवकर या बिग बॉसच्या घरात (Bigg Boss Marathi Season ) एन्ट्री करणार अशा चर्चा रंगू लागल्या होत्या. त्यानंतर आता वर्षा उसगांवकरांनी बिग बॉसच्या घरात ग्रँड एन्ट्री केली आहे.
बिग बॉस मराठीमध्ये स्पर्धक म्हणून अंकिताने बिग बॉसच्या घरात एन्ट्री घेतलीये. तिच्यासोबत अभिनेता निखिल दामले देखील घरात स्पर्धक म्हणून सहभागी झाला. त्यामुळे तिच्या चाहत्यांनाही बराच आनंद झालाय. तसेच अंकिताचा खेळ पाहण्यासाठी देखील आता बरीच उत्सुकता लागून राहिली आहे.
महत्त्वाच्या इतर बातम्या :