Bigg Boss 16 : छोट्या पडद्यावरील हिंदी बिग बॉस 16 हा रिअॅलिटी शो नेहमीच वेगवेगळ्या कारणांसाठी चर्चेत असतो. सध्या हा शो प्रसिद्ध रॅपर एमसी स्टेनमुळे चर्चेत आहे. एमसी स्टॅनला घरात मागील अनेक आठवड्यांपासून नॉमिनेट केले जात आहे. मात्र, प्रत्येक वेळी एमसी स्टेनचे चाहते जबरदस्त मत देऊन त्याला घरात खेळण्यासाठी सेव्ह करतायत. एमसी स्टॅन हा शोमधील सर्वात खऱ्या स्पर्धकांपैकी एक आहे. बिग बॉसच्या घरात राहणे सोपे नाही. अनेक वेळा स्पर्धक भावनिक होऊन मनातून तुटून जातात आणि त्यांची खेळात इच्छा राहत नाही. एमसी स्टॅन देखील सध्या या टप्प्यातून जात आहे.
एमसी स्टेनने अनेक वेळा 'बिग बॉस' आणि घरातील इतर स्पर्धकांना त्याला बाहेर काढण्यास सांगितले आहे. स्टेनने 2 कोटी रुपये देऊन शोमधून बाहेर पडण्याचेही ठरवले होते. वारंवार घराबाहेर पडण्याची इच्छा व्यक्त केल्याबद्दल सलमान खानने आता एमसी स्टेनला फटकारले आहे. कलर्सने त्याचा प्रोमो सोशल मीडियावर पोस्ट केला आहे.
एमसी स्टॅन होणार बिग बॉसच्या घरातून बाहेर?
सलमान खानने एमसी स्टेनला फटकारले आणि सांगितले की, शो सोडल्यानंतर त्याचे चाहते त्याच्याबद्दल काय विचार करतील. सलमान म्हणाला, स्टेन, तू कोणत्या मानसिकतेने इथे आलास. तुझे बाहेर बरेच चाहते आहेत. ते काय म्हणतील? हा आमचा हिरो? शो मध्येच सोडणं त्यांना आवडेल का? स्टेन, तुला जायचे असेल तर जा." यानंतर सलमान खान दरवाजा उघडण्यासाठी सांगतो. त्यानंतर स्टेन उठतो आणि निघून जातो. आता एमसी स्टेन खरोखरच बिग बॉसच्या घरातून बाहेर पडणार की शोमध्ये आणखी काही रंजक गोष्टी घडणार आहेत हे पाहणं महत्त्वाचं ठरणार आहे.
पाहा व्हिडीओ :
काही दिवसांपासून एमसी स्टॅन घरात एकाकीपणा जाणवतोय. त्याचे मित्र शिव ठाकरे, अब्दु रोजिक आणि साजिद खान यांच्याशीही तो फारसा बोलत नाही. एमसी स्टेनने सांगितले होते की, तो डिप्रेशनमध्ये गेला आहे. घरातील वातावरण त्याच्यासाठी नाहीये. गेल्या एपिसोडमध्ये त्याने टीना दत्तासोबतही याविषयी चर्चा केली होती.
महत्त्वाच्या बातम्या :
Salman Khan,Pooja Hegde: 32 वर्षीय दाक्षिणात्य अभिनेत्रीला 56 वर्षाचा सलमान करतोय डेट? चर्चेला उधाण