MC Stan: प्रसिद्ध रॅपर एमसी स्टॅन (MC Stan) हा सध्या ‘बिग बॉस 16’ (Bigg Boss 16) मुळे चर्चेत आहे. ‘बिग बॉस 16’ मधील त्याच्या डायलॉग्सला आणि त्याच्या स्टाईलला प्रेक्षकांची पसंती मिळते. बिग बॉसमधील त्याच्या डायलॉग्सचे व्हिडीओ सोशल मीडियावर व्हायरल होतात. एमसी स्टॅन हा त्याच्या लग्झरी लाईफस्टाईलमुळे देखील चर्चेत असतो. त्याचा '80 हजार के जूते' हा सोशल मीडियावर डायलॉग खूप व्हायरल झाला होता. एमसी स्टॅनचे शूज, टी-शर्ट आणि बेल्ट या वस्तू अनेकांचे लक्ष वेधतात. आता त्याच्या एका टोपीची चर्चा सोशल मीडियावर होत आहे. एमसी स्टॅननं बिग बॉस 16 मध्ये घातलेल्या टोपीचा फोटो व्हायरल झाला आहे. या फोटोमध्ये एमसी स्टॅननं घातलेल्या टोपीची किंमत ऐकून तुम्ही आश्चर्यचकित व्हाल.
टोपीची किंमत
एमसी स्टॅनच्या ‘बिग बॉस 16’मधील लूक चर्चेत असतात. एका एपिसोडमध्ये एमसी स्टॅननं काळ्या रंगाची टोपी घातली होती. ही टोपी बॅलेंसियागा (Balenciaga) या ब्रँडची आहे. रिपोर्टनुसार, या टोपीची किंमत 30 हजारपासून सुरू होते.
एमसी स्टॅन झाला नॉमिनेट
'बिग बॉस 16' सुरू झाल्यानंतर काही दिवस एमसी स्टॅनला बिग बॉसच्या घरात राहताना त्रास झाला होता. पण एमसी स्टॅनने शो सोडावा असे त्याच्या चाहत्यांना वाटत नव्हते. त्याला लोक वोट करत होते आणि तो बिग बॉसमध्ये चांगल्या पद्धतीनं खेळत देखील होता. त्याला गेल्या एपिसोडमध्येही नॉमिनेट करण्यात आले आहे. फिनालेसाठी फक्त 2 आठवडे उरले आहेत आणि त्याच दरम्यान, तो नॉमिनेट झाला आहे. एमसी स्टॅनसोबत त्याचा मित्र शिव ठाकरे (Shiv Thakare) आणि सुंबुल तौकीर खान हे देखील नॉमिनेट झाले आहेत. आता वीकेंड का वार मध्ये, या आठवड्यात कोणता स्पर्धक बाहेर पडतो? या प्रश्नाचं उत्तर प्रेक्षकांना मिळेल.
बिग बॉस या शोमधील स्पर्धकांमध्ये वाद होत असतात. विकेंडला सलमान खान शोमध्ये येऊन बिग बॉसच्या घरातील सर्व स्पर्धकांसोबत संवाद साधतो. बिग बॉसच्या या सिझनचा विजेता कोण ठरणार आहे? याकडे आता अनेकांचे लक्ष लागले आहे.
महत्वाच्या इतर बातम्या:
Bigg Boss 16 : फराह खानचा टीना दत्तावर राग अनावर; भर कार्यक्रमातून निघाली बाहेर! पाहा व्हिडीओ