Adnaan Shaikh-Ayesha Shaikh Wedding : सोशल मीडिया प्लॅटफॉर्म टिकटॉकवरून आपले करियर सुरू करणारा फेमस यूट्यूबर अदान शेख यानं लग्न केलं आहे. अदनान शेख त्याची लाँग टाइम गर्लफ्रेंड आयशा शेख यांच्याशी विवाह बंधनात अडकला आहे. बिग-बॉस ओटीटी 3 मध्ये वाइल्ड कार्ड एन्ट्री घेऊन तो प्रसिद्धीझोतात आला होता. आता अदनानने पत्नीसह आयुष्यातील नवीन अध्यायाला सुरुवात केली आहे.
यूट्यूबर अदनान शेखच्या लग्नात अरबाज पटेलची हजेरी
प्रसिद्ध यूट्यूबर अदनान शेखच्या लग्नाची बराच काळ चर्चा होती. अखेर त्याचं लग्न पार पडलं आहे. त्याच्या लग्नातील काही खास क्षणांचे फोटो आणि व्हिडीओ सोशल मीडियावर मोठ्या प्रमाणात व्हायरल होत आहेत. यासोबत बिग बॉस मराठी फेम अरबाज पटेल अदनान शेखच्या लग्नसोहळ्यात पोहोचला होता.
या तरुणीसोबत फोटो काढताना दिसला
युट्यूबर अदनान शेखच्या लग्नात बिग बॉसच्या घरातून बाहेर पडलेला अरबाज पटेलही पोहोचला होता. अरबाज पटेल एक तरुणीसोबत मीडियाच्या कॅमेऱ्यासमोर आला. अदनानच्या लग्नात अरबाज पटेल मैत्रिण आकांक्षा पुरीसोबत मीडिया समोर फोटो काढताना दिसला, त्याचा व्हिडीओही समोर आला आहे.
अदनान शेख अन् आयशा शेख अडकले लग्नबंधनात
अदनान शेखच्या लग्नाची चर्चा होती, मात्र तो कुणाशी लग्न करतोय असा प्रश्न खूप दिवसांपासून चर्चेत होती. पण, त्याने गर्लफ्रेंड आयशालाचा जीवनसाथी बनवलं आहे. अदनानच्या लग्नाच्या व्हिडीओवरून या नवीन कपलच्या चेहऱ्यावरील आनंद स्पष्ट दिसत आहे. अदनानने अद्याप पत्नीचा आयशा चेहरा दाखवलेला नाही. लग्नाच्या सगळ्या फंक्शन्समध्ये आयशाचा चेहरा कोणत्या ना कोणत्या प्रकारे झाकण्यात आला होता. मुस्लिम प्रथेनुसार, अदनान आणि आयशाचा विवाह पार पडल्यामुळे तिचा चेहरा दाखवण्यात आलेला नाही. चाहते मात्र, अदनानची पत्नी आयशाचा चेहरा पाहण्यासाठी आतुर झाल्याचं दिसत आहे.
महत्त्वाच्या इतर बातम्या :