Bigg Boss Season 18 : मेगास्टार अभिनेता सलमान खान छोट्या पडद्यावर पुनरागमन करण्या सज्ज आहे. टीव्हीवरील वादग्रस्त रिॲलिटी शो बिग बॉसचा नवा सीझन लवकरच चाहत्यांच्या भेटीला येणार आहे. 'बिग बॉस सीझन 18' ऑक्टोबर महिन्यापासून सुरू होत आहे. बिग बॉसच्या आगामी सीझनचा प्रोमोही रिलीज करण्यात आला आहे. एकीकडे बिग बॉस मराठीचा 100 दिवसांचा शो 70 दिवसांत संपवण्यात येणार आहे, तर दुसरीकडे बिग बॉस हिंदीचा नवीन सीझन सुरु होत आहे.
बिग बॉस 18 च्या ग्रँड प्रीमियरची तारीख ठरली
दरवर्षी चाहते बिग बॉस या शोची आतुरतेने वाट पाहत असतात. बिग बॉस शो फा मनोरंजक असतो. यामध्ये वेगवेगळे टास्क भांडणं तर कधी-धी मारामारीही पाहायला मिळते. बिग बॉस या रिअॅलिटी शोमध्ये सेलिब्रिटींचा खरा चेहरा समोर येतो आहे. याशिवाय सलमान खान 'वीकेंड का वार'मध्ये आठवड्याच्या शेवटी स्पर्धकांचा क्लास घेताना पाहायला मिळतं आहे. आता यंदाचा नवीन सीझन लवकरच सुरु होणार असून बिग बॉस 18 च्या प्रीमियरची तारीख जाहीर झाली आहे.
'या' दिवशी सुरु होणार सलमान खानचा शो
सलमान खानचा शो बिग बॉस 18 म्हणजेच यंदाचा नवीन सीझन 6 ऑक्टोबरपासून सुरू होत आहे. बिग बॉस पाहण्यासाठी चाहते खूप उत्सुक आहेत. बिग बॉस 18 च्या संदर्भात रोज नवनवीन अपडेट्स समोर येत आहेत. बिग बॉसचा पहिला प्रोमो 22 सप्टेंबरला रिलीज झाला होता. सलमान खान हा शो होस्ट करताना दिसणार असल्याचेही समोर आलं आहे. शोमधील स्पर्धकांची नाव अद्याप समोर आलेली नाही. तुम्ही कलर्स चॅनलवर हा शो पाहू शकाल आणि जर तुम्हाला शो ऑनलाइन पहायचा असेल तर तुम्ही JioCinema वर पाहू शकता.
बिग बॉस 18 सीझनचा प्रोमो
हिंदी बिग बॉससाठी मराठीचा सीझन गुंडाळला?
एकीकडे बिग बॉस 18 अवघ्या काही दिवसांवर येऊन ठेपला आहे, तर दुसरीकडे बिग बॉस मराठीही लवकरच संपणार आहे. बिग बॉस मराठीच्या यंदाच्या पाचव्या सीझनची घोषणा झाली, तेव्हा सीझन 100 दिवसांचा असेल असं सांगण्यात येत होतं. मात्र, आता हा शो 70 दिवसांत संपवण्याचा निर्णय निर्मात्यांनी घेतला आहे. बिग बॉस मराठीच्या ग्रँड फिनाले 6 ऑक्टोबरला होणार आहे. तर बिग बॉस हिंदी म्हणजे बिग बॉस 18 चा ग्रँड प्रीमियर 6 ऑक्टोबरला होणार आहे. त्यामुळे हिंदी बिग बॉससाठी मराठीचा सीझन गुंडाळल्याच्या प्रतिक्रिया सोशल मीडियावर उमटत आहेत.
बिग बॉसच्या सेटवरील व्हिडीओ
महत्त्वाच्या इतर बातम्या :