Pandharichya Panduranga : कोरोनाच्या प्रादुर्भावामुळे गेली दोन वर्षं आषाढी वारीच्या शेकडो वर्षांच्या परंपरेत खंड पडला. पण, विठूभेटीसाठी आसुसलेले लाखो वारकरी यंदा आषाढी वारी चालत आहेत. वारकऱ्यांच्या मनातली ही भावना ‘पंढरीच्या पांडुरंगा’ या नव्याकोऱ्या म्युझिक व्हिडीओद्वारे मांडण्यात आली असून, ‘मराठी बिग बॉस’च्या तिसऱ्या सीझनचा विजेता अभिनेता विशाल निकम (Vishal Nikam) या म्युझिक व्हिडीओद्वारे विठ्ठलभक्तीमध्ये तल्लीन झाला आहे. हा म्युझिक व्हिडीओ सप्तसूर म्युझिकच्या युट्यूब चॅनलवर रिलीज करण्यात आला आहे.
'पंढरीच्या पांडुरंगा सावळ्या विठ्ठला, तुझ्यामध्ये जीव माझा रंगला, दंगला' असे भावगर्भ शब्द आणि तितक्याचं श्रवणीय संगीतानं हा म्युझिक व्हिडीओ सजला आहे. वारकऱ्यांच्या मनातली विठ्ठला प्रती असलेली आर्तता नेमकेपणानं मांडण्यात आली आहे. त्यामुळे पारंपरिक खेळ आणि ग्यानबा, तुकारामच्या घोषात आषाढी वारी पंढरीला जात असताना ‘पंढरीच्या पांडुरंगा’ हा म्युझिक व्हिडीओ मनाला शांतता आणि आनंद देऊन नक्कीच सर्वांच्या पसंतीला उतरेल.
पाहा व्हिडीओ :
साईनाथ राजाध्यक्ष आणि बिना राजाध्यक्ष यांच्या सप्तसूर म्युझिकनं ‘पंढरीच्या पांडुरंगा’ या म्युझिक व्हिडीओची निर्मिती केली आहे. प्रवीण भुसे यांचे शब्द, विशाल भांगे यांनी संगीतबद्ध केले आहेत. तर, प्रवीण कुंवर यांनी हे गाणं गायलं आहे. संगीत संयोजन विशाल सदाफुले यांचं आहे. म्युझिक व्हिडीओचं दिग्दर्शन नवनाथ निकम आणि छायांकन मंगेश गाडेकर यांनी केलं आहे. यात विशाल निकमसह रेखा डी. सुहास जाधव यानी काम केलं आहे.
विशाल हा मूळचा सांगली जिल्ह्यातील खानापूर तालुक्यातील देवीखिंडी गावचा आहे. 2018 मध्ये प्रदर्शित झालेल्या मिथुन या चित्रपटामध्ये विशालने महत्वाची भूमिका साकारली. 'साता जल्माच्या गाठी' या मालिकेतील विशालच्या अभिनयाला प्रेक्षकांची विशेष पसंती मिळाली. 'दख्खनचा राजा ज्योतिबा' या मालिकेमुळे विशालला लोकप्रियता मिळाली. तसेच, 'जय भवानी जय शिवाजी' या मालिकेमध्ये देखील विशालने महत्त्वाची भूमिका साकारली.
हेही वाचा :
Vishal Nikam : हळद लागली, हळद लागली... बिग बॉस फेम विशाल निकमची पोस्ट व्हायरल
Vishal Nikam : ‘बिग बॉस मराठी’ विजेता विशाल निकम प्रेमापासून दुरावला?