Bigg Boss Season 16: बिग बॉसच्या चाहत्यांसाठी एक वाईट बातमी. सगळ्यांचा लाडका अब्दु रोजिक (Abdu Rozik) बिग बॉसला (Bigg Boss 16) अलविदा म्हणणार आहे. सर्वच बिग बॉस फॅन्सना ही बातमी वाचून धक्का बसला आहे. अद्याप यासंदर्भात कोणतीही अधिकृत माहिती समोर आलेली नाही. बिग बॉस फॅनक्लब नावाच्या एका पेजवरील एका पोस्टमुळं अब्दू बिग बॉसमधून एग्जिट घेणार असल्याच्या चर्चांना उधाण आलं आहे. 


बिग बॉसमधून अब्दूची एग्झिट?  


फॅनक्लबचा दावा आहे की, अब्दू रोजिक 12 जानेवारीला बिग बॉसच्या घरातून बाहेर पडेल. एका वर्क प्रोजेक्टसंदर्भात अब्दू बिग बॉसच्या घरातून एग्झिट घेणार असल्याचं बोललं जात आहे. खरं तर बिग बॉस 16 शो काही दिवसांनी एक्सटेंड करण्यात आला. आता बिग बॉस 16 चा फिनाले फेब्रुवारीमध्ये होणार आहे. मात्र, बिग बॉसच्या घरात येण्यापूर्वी अब्दूनं काही प्रोजेक्टसंदर्भात कमिटमेंट्स केले होते. शो पुढे वाढवण्यात आल्यामुळे आता अब्दुला ते प्रोजेक्ट्स पूर्ण करणं कठिण होत आहे. त्यामुळे आपल्या कमिटमेंट पाळण्यासाठी अब्दू शोमधून एग्झिट घेणार असल्याचं सांगितलं जात आहे. फॅनक्लबचा दाव्यानं अब्दूच्या फॅन्समध्ये नाराजीचा सूर दिसत आहे. मात्र अब्दुचे यश आणि स्टारडम पाहून त्याचे चाहते खूश आहेत.


'बिग बॉस 16 या शो'मधील सर्वांत आवडता स्पर्धक कोण असं जर विचारलं तर, अनेकांच्या तोंडी अब्दू रोजिक हेच नाव येतं. अब्दू रोजिक हा YouTuber आणि गायक आहे. अब्दूचे सोशल मीडियावर अनेक चाहते आहेत. सर्वांचा लाडका अब्दू मात्र बॉलिवूडचा दबंग खान सलमान खानचा चाहता आहे. बिग बॉसमुळं अब्दूला मोठी प्रसिद्धी मिळाली आहे. अनेकजण तर केवळ अब्दूलाच पाहण्यासाठी बिग बॉस पाहत असल्याचं सांगतात. अब्दूनं बिग बॉस शोमध्ये प्रवेश केला आणि परदेशी असूनही त्यानं आपल्या निरागसतेनं भारतातील लोकांची मनं जिंकली. तो सर्वाधिक पसंतीचा स्पर्धक आहे. 


बिग बॉससाठी किती मानधन घेतो अब्दू? 


अब्दु रोजिक हा तजाकिस्तानमधील प्रसिद्ध गायक. याशिवाय तो एक प्रसिद्ध सोशल मीडिया सेलिब्रिटी देखील आहे. केवळ 3 फुट उंची असलेल्या अब्दूचा दुबईत प्रचंड दबदबा आहे. अब्दु हे नाव जगभरात प्रसिद्ध आहे. 'बिग बॉस 16' सीझन सुरू झाल्यापासूनच त्यानं प्रेक्षकांची मनं जिंकली. पण तुम्हाला माहीत आहे का? अब्दू रोजिक बिग बॉसच्या घरात राहण्यासाठी किती मानधन घेतो. अब्दू बिग बॉसच्या घरात राहण्यासाठी एका आठवड्याचे अडीच ते तीन लाख रूपये घेतो. 


महत्त्वाच्या इतर बातम्या :


चौथ्यांदा बोहल्यावर चढणार 'हा' प्रसिद्ध अभिनेता? लिपलॉक व्हिडीओ व्हायरल झाल्यानंतर तिसरी पत्नी संतापली