Aai Kuthe Kay Karte Marathi Serial Latest Update : 'आई कुठे काय करते' (Aai Kuthe Kay Karte) ही छोट्या पडद्यावरील लोकप्रिय मालिका आहे. अल्पावधीतच लोकप्रियतेच्या शिखरावर पोहोचलेल्या या मालिकेचा आजचा भाग खूपच उत्कंठावर्धक असणार आहे.
'आई कुठे काय करते' या मालिकेत आतापर्यंत कांचन आजीने देवळात भेटलेल्या एका अनोळखी मुलाला आपलसं केलं आहे. त्या अनोळखी मुलाला त्या घरीदेखील घेऊन आल्या आहेत. 'आई कुठे काय करते' मालिकेच्या आगामी भागात देशमुखांच्या घरी चोर शिरणार आहे. आता कांचन आजी संकटाचा सामना कसा करणार याकडे प्रेक्षकांचं लक्ष लागलं आहे.
'आई कुठे काय करते' मालिकेच्या आजच्या भागात काय पाहायला मिळणार?
'आई कुठे काय करते' या मालिकेच्या आजच्या भागात कांचन आजी आणि आप्पा घरी एकटेच आहेत. दरम्यान गरम दूध घेऊन कांचन आजी त्यांच्या खोलीत जातात. त्यावेळी देवळातील अनोळखी मुलगा त्यांना आप्पांच्या खोलीतून बाहेर येताना दिसतो. त्यावेळी तो मुलगा चोर असल्याचं कांचन आजीच्या लक्षात येतं आणि त्या त्याला पोलिसात देण्याची धमकी देतात. त्यानंतर तो मुलगा त्यांच्या अंगावर धावून जातो. मग कांचन आजीदेखील गरम दूध त्याच्या अंगावर फेकतात आणि हातातल्या काठीने त्याला मारतात. आरडाओरडा ऐकून आप्पादेखील खोलीतून बाहेर येतात आणि त्याला म्हणतात की,"तुला जे हवं ते घेऊन जा... पण आम्हाला काही करू नकोस".
'आई कुठे काय करते' या मालिकेत अरुंधती सध्या परदेशी गेली असल्याचं दाखवण्यात आलं आहे. एकीकडे वीणाच्या एन्ट्रीमुळे मालिकेत रंजक वळण आलं आहे. वीणाला आपलसं करण्यासाठी अनिरुद्ध वेगवेगळे प्रयत्न करताना दिसत आहे. आता वीणाचा वापर करुन अनिरुद्ध काय खेळ खेळणार याकडे मालिकाप्रेमींचं लक्ष लागलं आहे.
'आई कुठे काय करते' ही छोट्या पडद्यावरील लोकप्रिय मालिका आहे. टीआरपीच्या शर्यतीत या मालिकेने बाजी मारली आहे. नुकत्याच समोर आलेल्या रिपोर्टनुसार, 'आई कुठे काय करते' या मालिकेला 6.6 रेटिंग मिळाले आहे. 'आई कुठे काय करते' ही मालिका 'अनुपमा' या हिंदी मालिकेचा रिमेक आहे. हिंदी मालिकाविश्वातही 'अनुपमा' या मालिकेने बाजी मारली आहे.
संबंधित बातम्या