KL Rahul Athiya Shetty Wedding Update :  बॉलिवूडमधील प्रसिद्ध अभिनेत्री अथिया शेट्टी (Athiya Shetty) ही सध्या तिच्या वैयक्तिक आयुष्यामुळे नेहमी चर्चेत असते. अथिया ही क्रिकेटर  केएल राहुलसोबतचे (KL Rahul) फोटो सोशल मीडियावर नेहमी शेअर करत असते. त्यामुळे या दोघांच्या नात्याबाबत सध्या चर्चा सुरू आहे. अशी चर्चा सुरू आहे की, हे लवकरच हे दोघे लग्नगाठ बांधणार आहेत.  रिपोर्टनुसार, लग्नानंतर दोघेही मुंबईतील वांद्रे भागात असलेल्या एका अपार्टमेंटमध्ये शिफ्ट होणार आहेत, हे घर त्यांनी नुकतेच घेतले आहे. केएल राहुलसोबतच्या नात्याबाबत नुकताच अथियाला एक प्रश्न विचारण्यात आला. या प्रश्नाला अथियानं दिलेल्या उत्तरानं अनेकांचे लक्ष वेधले. 
 
नव्या घराबाबत विचारण्यात आलेल्या प्रश्नाला अथियानं उत्तर दिलं, 'मी माझ्या पालकांसोबत नव्या घरामध्ये शिफ्ट होत आहे. माझ्या कुटुंबासोबत मी या नव्या घरामध्ये राहणार आहे.' सध्या अथिया ही वडील सुनील शेट्टी, आई माना शेट्टी आणि भाऊ अहान शेट्टी यांच्यासोबत मुंबईमधील अल्टामाउंट रोड येथील घरामध्ये राहात आहे. 


मुलाखतीमध्ये अथियाला लग्नाबाबत प्रश्न विचारण्यात आला. या प्रश्नाला अथियानं उत्तर दिलं, 'मी अशा प्रश्नांना उत्तर देत नाही. मी अशा प्रश्नांवर हसते. लोकांना जो विचार करायचा आहे तो करू देत. '


अनेक वेळा  केएल राहुलला सपोर्ट करण्यासाठी अथियानं मॅचमध्ये हजेरी लावली आहे. तिनं 2015मध्ये रिलीज झालेल्या हीरो या चित्रपटामधून बॉलिवूडमध्ये पदार्पण केलं.


हेही वाचा :