Squid Game 2 Update : नेटफ्लिक्सच्या (Netflix) सर्वात लोकप्रिय सिरीजपैकी एक असलेल्या 'स्क्विड गेम'बद्दल (Squid Game) सुरुवातीपासूनच बरीच चर्चा होती. ही सिरीज Netflix वर प्रदर्शित झाली आणि त्यानंतर तिने अनेक रेकॉर्डब्रेक केले. 'स्क्विड गेम' एक कोरियन सस्पेन्स थ्रिलर सिरीज आहे. जगातील प्रत्येक देशात सर्वाधिक पाहिल्या गेलेल्या टॉप 10 सिरीजच्या यादीत तिचा समावेश आहे.


आता या सिरीजच्या पुढील सीझनबद्दल (स्क्विड गेम सीझन 2) जोरदार चर्चा आहे. या शोच्या चाहत्यांना याचा पुढचा सीझन कधी येईल, हे जाणून घ्यायचे होते. आता या शोच्या पुढील सीझनशी संबंधित एक मोठे अपडेट समोर आले आहे. नेटफ्लिक्सच्या सह-सीईओने टेड सरांडोसच्या पत्रकार परिषदेत याची पुष्टी केली आहे की, त्याच्या दुसऱ्या सीझनची तयारी सुरू झाली आहे. स्क्विड गेमच्या दुसऱ्या सीझनला सुरुवात झाली आहे.


आता लवकरच नेटफ्लिक्स या शोचा दुसरा सीझन कधी येईल, याची घोषणा करू शकते. पिंकविलामध्ये प्रसिद्ध झालेल्या वृत्तानुसार, या शोचे दिग्दर्शक ह्वांग डांग ह्युक यांनी एपीशी संवाद साधताना सांगितले की, प्रेक्षकांनी या शोला इतके प्रेम दिले की, आमच्यावर दबाव आणि जबाबदारी वाढली आहे. आता त्याचा दुसरा सीझन लवकरात लवकर आणण्याशिवाय पर्याय नाही.


 



अनेक अवॉर्ड शोमध्ये गाजवले नाव!


पुढे बोलताना ते म्हणाले की, ‘हे माझ्याही मनात आहे. मी सध्या संपूर्ण प्रक्रियेचे नियोजन करत आहे. परंतु, ते कधी आणि कसे होईल याबद्दल काहीही सांगणे फार घाईचे ठरेल.’ या शोने अनेक अवॉर्ड फंक्शन्समध्येही धुमाकूळ घातला आहे. याला अनेक श्रेणींमध्ये पुरस्कारही मिळाले आहेत. नुकत्याच पार पडलेल्या गोल्डन ग्लोब्समध्येही या सिरीजचा बोलबाला होता.


सर्वाधिक पाहिली गेलेली नेटफ्लिक्स सिरीज


2021मध्ये प्रदर्शित झालेली ही कोरियन सिरीज त्या वर्षातील सर्वात लोकप्रिय सिरीजपैकी एक होती. Squid Game ही सिरीज 111 दशलक्ष वहयूजसह सर्वाधिक पाहिलेली Netflix सिरीज बनली. ही सिरीज Netflix मधल्या 94 देशांपैकी पहिल्या 10 मध्ये होती. या सिरीजच्या शेवटी असेही सांगण्यात आले होते की, तिच्या पुढील सीझनचा विचार करण्यात आला आहे.  परंतु, आता प्रचंड लोकप्रियता पाहता निर्मात्यांना ती लवकरच प्रेक्षकांच्या भेटीला आणायची आहे.


इतर बातम्या :




LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha