Siddhartha Jadhav : मराठी चित्रपटसृष्टीत आपल्या अभिनयानं विशेष ओळख निर्माण करणारा अभिनेता सिद्धार्थ जाधव (Siddhartha Jadhav)सोशल मीडियावर वेगवेगळ्या विषयांवरील पोस्ट शेअर करत असतो. सिद्धार्थनं नुकतीच एक खास पोस्ट सोशल मीडियावर शेअर केली आहे. या पोस्टमध्ये सिद्धार्थनं त्याला मिळालेल्या 'फिल्मफेअर' (Filmfare) या पुरस्काराबद्दल चाहत्यांना सांगितलं आहे.
सिद्धार्थची पोस्ट
सिद्धार्थनं फिल्मफेअर पुरस्कारासोबतचा एक खास फोटो शेअर करून कॅप्शनमध्ये लिहिले,'माझं पहिलं फिल्मफेअर पहिलं नेहमी स्पेशल असतं.' धुराळा या चित्रपटाच्या अभिनयासाठी बेस्ट अॅक्टर इन सपोर्टिंग रोल या कॅगेटिरीसाठी सिद्धर्थला फिल्म फेअर देऊन गौरवण्यात आलं. पोस्टमध्ये सिद्धार्थनं धुराळा या चित्रपटाच्या टीमचे आभार मानले. तसेच पोस्टमध्ये सिद्धार्थनं झी स्टूडिओचे देखील आभार मानले आहेत.
सिद्धार्थ जाधव आणि अमेय वाघ हे दोघे 'फिल्म फेअर पुरस्कार 2021' चे सूत्रसंचालन करणार आहेत. हा सोहळा तीन एप्रिल रोजी संध्याकाळी सात वाजता झी-मराठी या चॅनलवर प्रेक्षक पाहू शकतात. सिद्धार्थच्या धुराळा या चित्रपटाला प्रेक्षकांची पसंती मिळाली. या चित्रपटासाठी त्याला फिल्म फेअर मिळाला असून चित्रपटामध्ये सिद्धार्थसोबतच अमेय वाघ, सई ताम्हणकर, प्रसाद ओक आणि अंकुश चौधरी यांनी प्रमुख भूमिका साकारली आहे.
हेही वाचा :
- PHOTO : छोट्या पडद्यावरच्या ‘नागिन’चा सोशल मीडियावर धुमाकूळ, तेजस्वी प्रकाशचे नवे फोटो पाहिलेत?
- Ranbir Alia Wedding : रणबीर कपूरनंतर आलिया भट्टनेही लग्नाच्या बातमीला दिला दुजोरा! म्हणाली ‘हे वर्ष...’
- Shweta Tiwari : नवऱ्याच्या मारहाणीला कंटाळून श्वेता तिवारीने घेतला होता घटस्फोट, म्हणाली ‘त्याच्यासोबत आयुष्य म्हणजे...’
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha