Jhund : बॉलिवूडचे महानायक अमिताभ बच्चन यांची प्रमुख भूमिका असलेला 'झुंड'  (Jhund) हा चित्रपट आज (4 मार्च) प्रदर्शित झाला आहे.  दिग्दर्शक नागराज मंजुळेचा (Nagraj Manjule) हा पहिला मराठी चित्रपट आहे. काही कलाकारांनी सोशल मीडियावर पोस्ट शेअर करून या चित्रपटाचे कौतुक केले आहे तसेच चित्रपटाच्या टीमला शुभेच्छा दिल्या आहेत. मराठी चित्रपटसृष्टीतील प्रसिद्ध अभिनेता सिद्धार्थ जाधवनं (Siddhartha Jadhav) देखील सोशल मीडियावर पोस्ट शेअर करत या चित्रपटाच्या टीमचे कौतुक केले आहे. 


सिद्धार्थनं पोस्टमध्ये लिहिले, 'तुम्ही आमचं अस्तित्व नाकारूच शकत नाही...नागराज मंजुळे भावा... अप्रतिम हा शब्द फक्त नावाला आहे. त्याचा खरा अर्थ समजून घ्यायचा असेल तर "झुंड" पहायलाच हवा.स्वप्न प्रत्येकाची असतात. पण ती पूर्ण करण्याची धमक "झुंड " मध्ये होती,आहे, आणि कायम राहणार. हे तू पुन्हा एकदा सिध्द केलं आहेस. अभिमान वाटतो तुझा. 'अपून  कि बस्ती गटर मे है... पर तुम्हारे मन मे गंद है'या ओळी मनातून जातच नाहीत. अजय अतुल  दादा आय लव्ह यू फॉरोव्हर. कलाकारांच्या कामाबद्दल मी काय बोलणार. "बच्चों से लेकर बच्चन तक". सगळेच वरचा क्लास. माणसाच्या माणूसकीचा प्रवास झुंड या चित्रपटामधून दाखवण्यात आला आहे. नक्की बघा नाही तर पहायलाच हवा.'






झुंड चित्रपटात अमिताभ बच्चन यांच्यासोबतच आकाश ठोसर आणि रिंकू राजगुर या कलाकारांनी देखील प्रमुख भूमिका साकारली आहे. हा चित्रपट पाहिल्यानंतर धनुष, सुबोध भावे आणि आमिर खान या अभिनेत्यांनी देखील चित्रपटाचे कौतुक केले होते. 


हेही वाचा :



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha