Salman Khan Shehnaaz Gill : बिग बॉस (Bigg Boss) या रिअॅलिटी शोमुळे शहनाज गिल (Shehnaaz Gill) या अभिनेत्रीला विशेष लोकप्रियता मिळाली. या कार्यक्रमाच्या प्रत्येक सिझनचं सूत्रसंचालन अभिनेता सलमान खाननं केलं आहे. काल (3एप्रिल) अर्पिता खान आणि आयुष शर्मा यांनी ईद पार्टीचे आयोजन केले होते. या ईद पार्टीला अनेक सेलिब्रिटींनी हजेरी लवाली. पार्टीला सलमान खान (Salman Khan) आणि शहनाज गिल देखील उपस्थित होते. या पार्टीमधील शहनाज आणि सलमानचा एक व्हिडीओ सध्या सोशल मीडियावर प्रचंड व्हायरल होत आहे. या व्हिडीओमधील शहनाज आणि सलमानच्या बॉडिंगनं अनेकांचे लक्ष वेधले.
पार्टीमधून घरी जाणाऱ्या शहनाजला गाडीरपर्यंत ड्रॉप करण्यासाठी सलमान खान बाहेर आला. त्यावेळी अनेक फोटोग्राफर्स शहनाज आणि सलमानचे फोटो काढत होते. त्या दोघांचा व्हिडीओ सोशल मीडियावर व्हायरल झाला या व्हिडीओला एका नेटकऱ्यानं कमेंट केली, 'मला या दोघांमघील बॉडिंग खूप आवडते.' तर दुसऱ्यानं, 'शहनाज खूप क्यूट आहे', अशी कमेंट केली.
शहनाज लवकरच बॉलिवूडमध्ये पदार्पण करणार आहे. ती सलमान खानच्या प्रोडक्शन हाऊसचा चित्रपट 'कभी ईद कभी दिवाली' मध्ये महत्वाची भूमिका साकारणार आहे. काही दिवसांपूर्वी शहनाजनं शिल्पा शेट्टीच्या शेप ऑफ यू या कार्यक्रमामध्ये सहभाग घेतला होता. या शोमध्ये सिद्धार्थ शुक्ला आणि तिच्या नात्याबद्दल शहनाजनं सांगितलं होतं. शहनाजनला बिग बॉसच्या 15 व्या सिझनमुळे विशेष लोकप्रियता मिळाली.
संबंधित बातम्या