Shah Rukh Khan : प्रसिद्ध अभिनेता आणि बॉलिवूडचा बादशाह अशी ओळख असणाऱ्या शाहरुख खानने (Shah Rukh Khan) शुक्रवारी (3 एप्रिल) 'जवान' (Jawan) या त्याच्या आगामी चित्रपटचा टीझर रिलीज केला. सोशल मीडियवर हा टीझर शेअर करुन करताना शाहरुखने कॅप्शनमध्ये लिहिले होते, “2023 असणार अॅक्शन पॅक! 2 जून 2023 रोजी तुमचे मनोरंजन करण्यासाठी 'जवान' चित्रपट रिलीज होतो.' एक मिनिट 30 सेकंदाच्या या टीझरमध्ये , शाहरुख त्याच्या डोक्यावर आणि हातावर पट्टी बांधलेला, हातात मशीन गन धरुन एका गुप्त ठिकाणी बसलेला दिसत आहे. त्याचा हा लूक पाहून त्याचे चाहते थक्क झाले.
शाहरुख खान जवान चित्रपटाच्या या टीझरमध्ये जखमी झालेला दिसत आहे. त्याचा संपूर्ण चेहरा पट्टीने बांधलेला दिसत आहे. 1990 मध्ये रिलीज झालेल्या 'डार्कमॅन' या चित्रपटामधील लूक शाहरुखनं कॉपी केला आहे, असं काही नेटकऱ्यांचे मतं आहे. लियाम नीसन यांनी डार्कमॅन चित्रपटामध्ये पीटन वेस्टलेक ही भूमिका साकारली होती. पीटन वेस्टले हे आर्टिफिशियल स्किन डेव्हलप करत असतात. लियाम नीसन यांचा लूक शाहरुखनं कॉपी केला आहे, असं नेटकरी सध्या म्हणत आहेत.
जवान चित्रपटाबद्दल शाहरुखनं एका मुलाखतीमध्ये सांगितलं, “जवान ही एक सार्वत्रिक कथा आहे जी भाषा, भौगोलिकतेच्या पलीकडे आहे आणि प्रत्येकासाठी आनंददायी आहे. हा अनोखा चित्रपट बनवण्याचे श्रेय अॅटलीला जाते, हा माझ्यासाठी एक अद्भुत अनुभव होता कारण मला अॅक्शन चित्रपट आवडतात!”
हेही वाचा :