Sara Ali Khan : ग्लॅमरस लूकनं आणि अभिनयानं प्रेक्षकांची मनं जिंकणारी अभिनेत्री  सारा आली खान (Sara Ali Khan) ही तिच्या वेगवेगळ्या लूक्समधील फोटो सोशल मीडियावर शेअर करत असते. तिच्या वेगवेगळ्या लूकमधील फोटो आणि व्हिडीओ सोशल मीडियावर व्हायरल होत असतात. नुकताच साराचा एका व्हिडीओ सोशल मीडियावर व्हायरल झाला आहे. या व्हिडीओमध्ये सारानं एक बॅग हातात घेतली आहे, असं दिसत आहे. या बॅगमुळे सध्या अनेक जण साराला ट्रोल करत आहेत. 

सारा ही जिममध्ये वर्क-आऊट सेशनला जात होती. त्यावेळी फोटोग्राफर्सनं तिचे फोटो आणि व्हिडीओ काढले. या व्हिडीओमध्ये साराच्या हातात एक बॅग दिसत आहे. या बॅग वर साराचं नाव लिहिलेलं दिसत आहे. या बॅगमुळे सध्या अनेक नेटकरी साराला ट्रोल करत आहेत. 

पाहा व्हिडीओ:

नेटकऱ्यांच्या भन्नाट कमेंट्स एका नेटकऱ्यानं साराच्या बॅगला ट्रोल करत कमेंट केली,  'आम्ही अशा बॅगमध्ये भाजी आणतो' तर दुसऱ्या युझरनं कमेंट केली, 'रिकामी बॅग दाखवून ती फक्त शो ऑफ करत आहे.' 'रिकामी बॅग घेऊन का फिरत आहेस?' अशी कमेंट एका नेटकऱ्यानं केली. 

 काही दिवसांपूर्वी साराचा अतरंगी रे हा चित्रपट प्रेक्षकांच्या भेटीस आला. या चित्रपटामधील साराच्या अभिनयाला प्रेक्षकांची पसंती मिळाली. या चित्रपटामध्ये सारासोबतच अक्षय कुमार आणि धनुष यांनी देखील प्रमुख भूमिका साकारली. सारा अली खान ही लवकरच लक्ष्मण उतेकर यांच्या आगामी चित्रपटामधून प्रेक्षकांच्या भेटीस येणार आहे. या चित्रपटात तिच्यासोबत अभिनेता विकी कौशल दिसणार आहे. हा चित्रपट कार्तिक आर्यन आणि क्रिती सेनन स्टारर 'लुका छुप्पी'चा सीक्वल असल्याचे बोलले जात आहे. मात्र, याबाबत अद्याप काहीही सांगण्यात आलेले नाही. साराच्या केदारनाथ, सिम्बा, कुली नंबर 1 आणि लव्ह आज कल या चित्रपटांना प्रेक्षकांची विशेष पसंती मिळाली. साराच्या आगामी चित्रपटाची तिचे चाहते उत्सुकतेने वाट पाहात आहेत. 

हेही वाचा: