Salman Khan Jiva Mahala Role In Raja Shivaji: रितेश देशमुख (Riteish Deshmukh) अभिनीत आणि दिग्दर्शित 'राजा शिवाजी' (Raja Shivaji) हा बहुचर्चित सिनेमा आज महाराष्ट्र दिनी प्रदर्शित झाला. या सिनेमात तगडी कलाकारांची फौजने जबरदस्त काम केलं. या सिनेमात सलमान खानचाही कॅमिओ रोल आहे. सलमान खानची पहिली झलक पाहण्यासाठी प्रेक्षक आतुर होते. दरम्यान, त्याचा 'राजा शिवाजी' चित्रपटातील लूक समोर येताच, थिएटरमध्ये धुरळा उडाला. 'राजा शिवाजी' या ऐतिहासिक सिनेमात (Entertainment) सलमान खान पाहुण्या कलाकाराच्या भूमिकेत दिसणार, ही बातमीच त्याच्या चाहत्यांसाठी आनंदाची होती. दरम्यान, त्याचा लूक व्हायरल होताच इंटरनेटवर चाहत्यांनी खळबळ उडवून दिली. सध्या सलमानचा 'राजा शिवाजी' चित्रपटातील डायलॉग सोशल मीडियात व्हायरल होत आहे.
सलमान खानचा 'राजा शिवाजी' चित्रपटात कॅमिओ (Salman Khan as Jiva Mahala in Raja Shivaji)
सलमान खानची 'राजा शिवाजी' चित्रपटातील भूमिका अनेक महिने गुप्त ठेवण्यात आली होती. दरम्यान, आज सिनेमा रिलीज झाल्यानंतर सलमान खानची भूमिका रिव्हिल झाली आहे. रितेश देशमुखच्या या ऐतिहासिक सिनेमात सलमान खान जीवा महाला यांची भूमिका साकारत आहे. जीवा महाला हे छत्रपती शिवाजी महाराज यांचे निष्ठावान अंगरक्षक होते. त्यांच्या शौर्याची गाथा मराठा इतिहासात सुवर्णाक्षरांनी लिहिली गेली आहे.
या सिनेमात सलमान खान भगव्या रंगाच्या कुर्त्यामध्ये दिसत आहे. तसेच डोक्यावर पगडी आणि हातात तलवार आहे. सलमान खानचा लूक आकर्षक दिसत असून, त्याच्या लूकचं नेटकरी आणि प्रेक्षकांकडून प्रचंड कौतुक होत आहे. काही दृश्यांमध्ये सलमान खानसोबत रितेश देशमुखही दिसत आहे. या सिनेमात रितेश देशमुखने छत्रपती शिवाजी महाराज यांची भूमिका साकारली आहे. या दृश्यात, सलमानचे पात्र आपल्या शत्रूच्या मानेवर तलवार रोखताना दिसत आहे.
सलमान खानच्या डायलॉगने थिएटरमध्ये धुमाकूळ घातला (Salman Khans cameo as Jiva Mahala)
या सिनेमातील एका डायलॉगने थिएटरमध्ये धुमाकूळ घातला. सलमान खान 'शिवाजी नाही, शिवाजी राजं म्हणायचं', असा डायलॉग म्हणतो. या डायलॉगचा व्हिडीओ सध्या सोशल मीडियात व्हायरल होत आहे. सलमान खानच्या या डायलॉगवर प्रेक्षकवर्गाकडून कौतुकाचा वर्षाव करण्यात आला. टाळ्यांच्या कडकडाटाने थिएटर दुमदुलं होतं. सलमान खानचा हा लूक पाहून चाहते भारावून गेले. त्याच्या रुबाबदार लूकवर चाहते फिदा झाले आहेत.
महत्त्वाच्या इतर बातम्या: