Sai Tamhankar :  अभिनेत्री सई ताम्हणकर (Sai Tamhankar) आणि निर्माता अनिश जोग (Anish Jog) हे एकमेकांना डेट करत असल्याच्या चर्चा मागील अनेक दिवसांपासून सुरु आहे. मित्र मैत्रीणींच्या लग्नाचा एकत्र हजेरी, एकत्र फिरायला जाणे, वाढदिवसाच्या एकमेकांसाठींच्या पोस्ट या सगळ्यामुळे सई आणि अनिशच्या नात्याची बरीच चर्चा असते. पण आता सईच्या एका पोस्टमुळे यांच्या नात्याला पूर्णविराम मिळाला असल्याचं म्हटलं जातंय. 


सईने अमित गोसावीसोबत लग्नगाठ बांधली होती. पण काही कारणास्तव त्यांचं हे नात फार काळ टिकू शकलं नाही आणि त्यांनी विभक्त होण्याचा निर्णय घेतला. त्यानंतर सई बराच काळ सिंगल होती. पण मागील अनेक दिवसांपासून तिचे आणि अनिशचे सोशल मीडियावर बरेच फोटो दिसत होते. त्यामुळे ते दोघे एकमेकांच्या प्रेमात असल्याचं म्हटलं जात होतं. नुकतच त्यांनी दिग्दर्शक, अभिनेता समीर विद्वंस याच्याही लग्नाला एकत्र हजेरी लावली होती. 


सईच्या 'त्या' पोस्टमुळे चर्चांना उधाण


दरम्यान सईने तिच्या इन्स्टाग्रामवर एक पोस्ट केली आहे. त्यामुळे आता सई आणि अनिशचंही नात संपलं असल्याचं म्हटलं जातंय. सईने तिच्या पोस्टमध्ये म्हटलं आहे की, मी स्वत:च्या चॉईसने सिंगल आहे. ही माझी निवड नाही पण आता ही माझी निवड आहे. त्यावर तिने #Truestroy असंही म्हटलं आहे. त्यामुळे सई ताम्हणकर आता सिंगल असल्याचं तिच्या या पोस्टवरुन म्हटलं जातंय. इकतच नव्हे तर सईने अनिशसोबतचे तिचे फोटोही तिच्या सोशल मीडियावरुन काढून टाकले आहेत.




टीव्ही ते मोठ्या पडद्यापर्यंतचा प्रवास


छोट्या पडद्यावरील या गोजिरवाण्या घरात या मालिकेपासून सईने अभिनय क्षेत्रातील करिअरची सुरुवात केली. त्यानंतर तिने कधी मागे वळून पाहिलं नाही. बोल्ड, ग्लॅमरस, बिनधास्त अशी सई ताम्हणकरची ओळख. छोट्या पडद्यावरुन तिने मोठ्या पडद्यावरही मोठ्या दिमाखात एन्ट्री मारली. सईच्या बोल्डनेसमुळे तिला अनेकदा टीकेलाही सामोरं जावं लागलं, पण सईने याचा परिणाम स्वत: वर होऊ दिला नाही आणि आपली वेगळी ओळख निर्माण केली. सई सध्या कोट्यवधींची मालकीण आहे. 






ही बातमी वाचा : 


Yogita Chavan Eliminate : निखिल दामले पाठोपाठ योगिता चव्हाण बिग बॉसच्या घराबाहेर, तिसऱ्याच आठवड्यात संपला खेळ