RRR Starcast Fees : बहुचर्चित चित्रपट 'आरआरआर' (RRR)ची प्रेक्षक उत्सुकतेने वाट पाहात आहेत. आरआरआर चित्रपटात अजय देवगण (Ajay Devgn), आलिया भट्ट (Alia Bhatt), ज्यूनियर एनटीआर (Jr NTR) आणि राम चरण (Ram Charan) हे कलाकार महत्वाची भूमिका साकरणार आहेत. एसएस राजामौली यांनी या चित्रपटाचे दिग्दर्शन केले असून चित्रपटाची निर्मिती डी.व्ही.व्ही. दनय्या यांनी केली आहे. या चित्रपटात काम करण्यासाठी कालाकारांनी किती मानधन घेतले असेल? असा प्रश्न अनेकांना पडला असेल. जाणून घेऊयात या चित्रपटात काम करण्यासाठी आलिया आणि अजयने किती मानधन घेतलं...
आरआरआर या चित्रपटात आलिया भटने सिता ही भूमिका साकारली आहे. रिपोर्टनुसार, आलियाने 9 कोटी रूपये मानधन घेतले आहे. अजय देवगण यांनी या चित्रपटाचे 7 दिवस शूटिंग केले रिपोर्टनुसार अजय यांनी या चित्रपटासाठी 35 कोटी मानधन घेतले आहे.
आरआरआर चित्रपटातील 'नाचो नाचो' आणि 'जननी' या गाण्यांना सध्या प्रेक्षकांची पसंती मिळाली आहे. हा सिनेमा जवळपास 10 भाषांमध्ये प्रदर्शित केला जाणार आहे. हा सिनेमा 7 जानेवारी 2022 रोजी प्रदर्शित होणार होता. पण कोरोनाचा प्रादुर्भाव वाढत असल्याने सिनेमाची रिलीज डेट पुढे ढकलण्यात आली आहे.
'आरआरआर' सिनेमाच्या निर्मात्यांनी ट्विटरवर एक पोस्ट शेअर करत यासंदर्भात माहिती दिली आहे. ट्वीट शेअर करत त्यांनी लिहिले आहे,"प्रेक्षकांच्या आरोग्याच्या दृष्टीने आम्ही सिनेमाची रिलीज डेट पुढे ढकलली आहे".
संबंधित बातम्या
Underwater Painting of Pushpa : अल्लू अर्जुनचा 'जबरा फॅन'; साकारले पुष्पा चित्रपटातील लूकचे अंडर वॉटर पेंटिंग
Allu Arjun : प्रायव्हेट जेट,लग्झरी गाड्या अन् आलिशान घर ; अल्लू अर्जुनची डोळे विस्फारणारी संपत्ती