Ritiesh Deshmukh : अमित आणि धिरज देशमुख विधानसभेच्या मैदानात! रितेश देशमुखची भावांसाठी खास पोस्ट

Ritiesh Deshmukh : विलासराव देशमुख यांचे दोन सुपुत्र अमित आणि धीरज देशमुख यांनी विधानसभेसाठी अर्ज दाखल केला आहे. त्यानंतर रितेश देशमुखची पोस्ट चर्चेत आली आहे.

Ritiesh Deshmukh :  राज्यातील विधानसभा निवडणुकांसाठी (Vidhansabha Election 2024) अर्ज भरण्याची मुदत आता संपली आहे. उमेदवारांना उमेदवारी अर्ज भरण्यासाठी 29 ऑक्टोबर ही शेवटची तारीख होती. याचदिवशी अनेक व्हिआयपी उमेदवारांनी विधानसभेसाठी अर्ज भरला. काँग्रेसचे दिवंगत नेते विलासराव देशमुख (Vilasrao Deshmukh) यांचे दोन सुपुत्र अमित देशमुख (Amit Deshmukh) आणि धीरज देशमुख (Dhiraj Deshmukh) यांनीही त्यांच्या उमेदवारीचा अर्ज दाखल केला आहे. त्यानंतर त्यांचा भाऊ आणि अभिनेता रितेश देशमुखची (Ritiesh Deshmukh) पोस्ट सध्या चर्चेत आलीये. 

रितेशने अमित देशमुख आणि धीरज देशमुख यांच्यासोबतचे काही फोटो शेअर केले आहेत. त्याचप्रमाणे काही जुन्या आठवणीही जागावल्या आहेत. रितेशने त्याच्या भावांना विधानसभेसाठी शुभेच्छाही या पोस्टच्या माध्यमातून दिल्यात. यावर अनेकांनी कमेंट्स करत शुभेच्छा दिल्या आहेत.                                                

रितेश देशमुखची पोस्ट काय?

रितेशने अमित आणि धीरज देशमुख यांच्यासोबत काही फोटो शेअर केले आहेत. यावर कॅप्शन देत रितेशने म्हटलं की, 'अमित आणि धीरज देशमुख यांचं खूप अभिनंदन आणि खूप शुभेच्छा...'                                    

लातूर-ग्रामीणमधून धिरज विलासराव देशमुख आणि लातूर शहरातून अमित देशमुख यांना पुन्हा एकदा संधी देण्यात आलीय.2019 च्या विधानसभा निवडणुकीत लातूर ग्रामीण मतदारसंघातून माजी मुख्यमंत्री दिवंगत विलासराव देशमुख याचे चिरंजीव धीरज देशमुख विजयी झाले होते. त्यांनी शिवसेनेचे उमेदवार सचिन देशमुख यांचा मोठ्या मतांनी पराभव केला होता.2019 मध्ये भारतीय राष्ट्रीय काँग्रेसचे अमित विलासराव देशमुख यांनी भारतीय जनता पक्षाच्या शैलेश गोविंदकुमार लाहोटी यांचा 40415 मतांच्या फरकाने पराभव करून जागा जिंकली होती. त्यामुळे देशमुख बंधू यंदाच्याही विधानसभेत बाजी मारणार का याची उत्सुकता आहे.     

ही बातमी वाचा :