Prasad Vedpathak White Line Controversy: घाटकोपरमधील (Ghatkopar News) एका सोसायटीच्या आवारात जैन कुटुंबानं (Jain Family) पांढरी पट्टी मारली, इन्फ्लुएन्सर प्रसाद वेदपाठक (Influencer Prasad Vedpathak) यानं तो प्रश्न उचलला आणि वाद चिघळला. त्यानंतर प्रसिद्ध सोशल मीडिया इन्फ्लुएन्सर (Social Media Influencer), कंटेंट क्रिएटर (Content Creator) आणि युट्यूबर प्रसाद वेदपाठक (YouTuber Prasad Vedpathak) पुन्हा एकदा चर्चेच्या केंद्रस्थानी आला आहे. स्वतः राहत असलेल्या सोसायटीत मारलेल्या पांढऱ्या पट्ट्यामुळे त्याच्यासह त्याची पत्नी आणि आईच्या धार्मिक भावना दुखावल्याचा दावाही त्यानं केला. पांढऱ्या पट्टीचा व्हिडीओ त्यानं सोशल मीडियावर शेअर केला आणि क्षणार्धातच तो तुफान व्हायरल झाला. त्यानं घेतलेल्या भूमिकेमुळे सोशल मीडियावर जोरदार चर्चाही सुरू झाल्या. अखेर पाच दिवसांनी त्या पांढऱ्या पट्टीवर रंगकाम करण्यात आलं असून स्वत: प्रसादनं व्हिडीओ शेअर करत याची माहिती दिली आहे. त्यानं त्याच्या सोशल मीडिया हँडलवरुन "माझ्यासाठी हा प्रश्न संपला...", अशा आशयाची पोस्ट करुन पांढरी पट्टी हटवल्याचा व्हिडीओ शेअर केला. अशातच आता प्रसाद वेदपाठकनं शेअर केलेला आणखी एक व्हिडीओ व्हायरल होत आहे.
राहत्या सोसायटीच्या आवारात जैन साध्वींसाठी एका जैन कुटुंबीयांनी कोणतीही परवानगी न घेता, पांढरी पट्टी मारल्याचा मुद्दा प्रसाद वेदपाठकनं लावून धरला. माध्यमांनीही हा मुद्दा उचलून धरला होता. अखेर, ह्या पांढऱ्या पट्टीवर रंगकाम करण्यात आलं असून स्वत: प्रसादनं याची माहिती दिली आहे. पण, आता प्रसादचा आणखी एक व्हिडीओ सोशल मीडियावर जोरदार व्हायरल होत आहे. प्रसादनं या व्हिडीओमध्ये संपूर्ण घाटकोपरमधील परिस्थिती दाखवली आहे. प्रसादनं यापूर्वी बोलताना फक्त सोसायटीच्याच आवारात नाहीतर घाटकोपरमधील फुटपाथवर असे पांढरे पट्टे मारले असल्याचा दावा केलेला. आता प्रसादनं याची झलक आपल्या व्हिडीओतून दाखवली आहे.
एक सोसायटी नव्हे तर अख्ख्या घाटकोपरमध्ये पांढऱ्या पट्ट्या, प्रसाद वेदपाठकचा VIDEO
सोशल मीडिया इन्फ्लुएन्सर प्रसाद वेदपाठक यानं त्याच्या हँडलवरुन एक व्हिडीओ शेअर केला आहे. त्यामध्ये त्यानं संपूर्ण घाटकोपमधल्या फुटपाथवर आणि रस्त्यांवर मारलेल्या पांढऱ्या पट्ट्या दाखवल्या आहेत. त्यात त्यानं व्हिडीओवर पांढऱ्या पट्टीवरच काळ्या अक्षरांमध्ये 'WHITE LINE ON FOOTPATH', असं लिहिलंय. तर, पांढऱ्या पट्ट्यांच्या व्हिडीओला ब्रॅकग्राउंडला त्यानं "भगवान, है कहाँ रे तू? ऐ ख़ुदा, है कहाँ रे तू?", हे गाणंही जोडलं आहे. त्यासोबतच प्रसाद वेदपाठकनं व्हिडीओ शेअर करताना एक कॅप्शनही लिहिलंय. प्रसादनं कॅप्शनमध्ये लिहिलंय की, "घाटकोपर पश्चिम (मुंबई) येथील फुटपाथ, कृपया याच तळमळीनं स्पीड ब्रेकर आणि झेब्रा क्रॉसिंगवरही रंगकाम करा..."
प्रसाद वेदपाठकच्या सोसायटीतला पांढऱ्या पट्टीचा वाद नेमका काय?
प्रसाद वेदपाठक याच्या सोसायटीत काही जैन समाजातील लोकांनी ही पांढऱ्या रंगाची पट्टी मारलेली. यावर प्रसाद वेदपाठक यानं प्रश्न उपस्थित करत आपल्या धार्मिक भावना दुखावल्याचं म्हटलं होतं. तसेच, आपल्या सोसायटीच्या आवारात अशी पांढरी पट्टी मारण्यात आली, त्यावेळी आपली परवानगी कुणीच घेतलेली नाही, असा दावाही प्रसाद वेदपाठक यानं केलेला. प्रसाद वेदपाठक यानं दिलेल्या माहितीनुसार, जैन धर्मगुरूंसाठी ही पट्टी मारण्यात आलेली. धार्मिक मान्यता पाळायच्या असतील तर त्या घरी पाळाव्यात सार्वजनिक ठिकाणी अशा प्रकारच्या कृत्यावर प्रसादनं आक्षेप नोंदवलेला. तसेच, हा धार्मिक तेढ निर्माण करण्याचा प्रयत्न आहे, त्यामळे ही पट्टी लवकरात लवकर हटवावी, अशी मागणीही प्रसाद वेदपाठक यानं केलेली. त्यानंतर आता त्या पांढऱ्या पट्टीवर रंगकाम करून पट्टी हटवण्यात आल्याचंही प्रसाद वेदपाठकनं व्हिडीओ शेअर करुन सांगितलं आहे.
महत्त्वाच्या इतर बातम्या :
ABP Majha च्या बातम्या LIVE :