मुंबई : यंदा पॅरिस ऑलिम्पिकमध्ये नेमबाज मनू भाकरने भारतासाठी दुहेरी पदक जिंकत ऐतिहासिक कामगिरी केली. पॅरिस ऑलिम्पिकमध्ये नेमबाज मनू भाकरने दोन कांस्य पदकांची कमाई केली. यामुळे तिचं सर्वत्र कौतुक होत असून तिचं नाव घराघरात पोहोचलं आहे. ऑलिम्पिक पदक विजेत्या मनू भाकरला देशभरातून प्रेम मिळत आहे. अलिकडे मनू भाकर हिला चेन्नईतील एका शाळेमधील कार्यक्रमात प्रमुख पाहुणे म्हणून आमंत्रित करण्यात आलं होतं. यावेळी तिचं जोरदार स्वागत करण्यात आलं. यादरम्यान तिने आवडत्या अभिनेत्याबाबत वक्तव्य केलं आहे.
ना शाहरुख, ना सलमान, ना आमिर...
मनू भाकर हिने तिच्या आवडत्या अभिनेत्याबाबत वक्तव्य करताना त्याला डार्लिंग म्हटलं आहे. याकडे आता चाहत्यांचं लक्ष वेधलं गेलं आहे. मनू भाकरचा आवडता अभिनेता कोण हे जाणून घेण्याची सर्वांना उत्सुकता लागली आहे. महत्त्वाचं म्हणजे हा अभिनेता शाहरुख, सलमान, आमिर, कार्तिक किंवा विकी कौशल यांच्यापैकी कुणीही नाही. मग मनू भाकरने नेमकं कुणाला डार्लिंग म्हटलं असा प्रश्न अनेकांना पडला आहे.
या अभिनेत्याची फॅन आहे ऑलिम्पिक विजेती मनू भाकर
जेव्हा मीडियाने मनू भाकरला मुख्यमंत्री एमके स्टॅलिन यांच्यासह तमिळनाडूतील उल्लेखनीय व्यक्तींबद्दल विचारलं, तेव्हा मनूने त्यापैकी कोणालाही ओळखलं नाही. पण, अभिनेत्याचं नाव येताच, तिनं त्याला डार्लिंग म्हटलं. हा अभिनेता म्हणजे साऊथ सुपरस्टार थलपती विजय आहे. कार्यक्रमात अभिनेता थलपती विजयच्या नावाबाबत विचारलं असता, मनू भाकरने लगेचच सुपरस्टारला ओळखलं आणि तो डार्लिंग असल्याचं सांगितलं. तिच्या या प्रतिक्रियेनंतर उपस्थित खूश झाले.
मनू भाकर व्हिडीओ सोशल मीडियावर चर्चेत
मनू भाकरचा हा व्हिडीओ सध्या सोशल मीडियावर व्हायरल होत आहे. अनेक चाहते या व्हायरल व्हिडीओवर कमेंट्स करत प्रतिक्रिया देत आहेत. आता अभिनेता थलपती विजय यावर काय प्रतिक्रिया देतात याची चाहते आतुरतेने वाट पाहत आहेत.
चेन्नई येथे आयोजित कार्यक्रमात, पॅरिस ऑलिम्पिक 2024 मध्ये नेमबाजीत दोन कांस्य पदके जिंकल्याबद्दल मनू भाकरला तामिळनाडू असोसिएशननं सन्मानित केलं. ऑलिम्पिकमधील तिच्या ऐतिहासिक कामगिरीची दखल घेत तिना रोख पारितोषिक देण्यात आलं. दोन ऑलिम्पिक पदके जिंकणारी मनू भाकर ही पहिली भारतीय महिला आहे. तिने 10 मीटर एअर पिस्तूल आणि महिलांच्या 10 मीटर एअर पिस्तूल या दोन्ही मिश्र स्पर्धांमध्ये कांस्यपदक पटकावलं आहे.
महत्त्वाच्या इतर बातम्या :