Samantha and Naga Chaitanya Divorce : अभिनेत्री समंथा (Samantha) आणि नागा चैतन्य (Naga Chaitanya) यांनी गेल्या वर्षी ऑक्टोबर महिन्यात विभक्त होण्याचा निर्णय घेतला. त्यांनी सोशल मीडियावर पोस्ट करून त्यांच्या चाहत्यांना घटस्फोटाबद्दल माहिती दिली. काही दिवसांपूर्वी नागा चैतन्यने एका मुलाखतीमध्ये समंथासोबतच्या घटस्फोटाबद्दल त्याचे मत व्यक्त केले होते. आता याविषयी नागा चैतन्यचे वडील अभिनेता नागार्जुन अक्किनेनी (Nagarjuna Akkineni) यांनी माहिती दिली आहे.
एका मुलाखतीमध्ये नागार्जुन यांनी सांगितले की, 'सर्वात आधी समंथानं घटस्फोट घेण्याचा निर्णय घेतला. नागा चैतन्यनं तिचा निर्णय स्वीकारला. त्या दोघांना माझी काळजी होती. त्यांना वाटत होते की मी त्यांच्या या निर्णयाबाबत काय मत मांडेल? किंवा आपल्या कुटुंबाचे काय होईल? त्यांच्या लग्नाला चार वर्ष झाली होती. तेव्हा दोघांमध्ये कोणतेही मतभेद नव्हते. त्या दोघांनी 2021 चे न्यू ईअर एकत्र साजरे केले.जेव्हा ते दोघे रिलेशनमध्ये आले तेव्हा सर्वात आधी त्यांच्या नात्याबद्दल मला माहित होते.'
समंथानं तिच्या आणि नागा चैतन्यच्या घटस्फोटाबद्दल सोशल मीडियावर पोस्ट शेअर केली होती. त्या पोस्टवर अनेक नेटकऱ्यांनी कमेंट्स देखील केल्या होत्या. ती पोस्ट समंथानं काही दिवसांपूर्वी डिलीट केली. त्यामुळे आता समंथा आणि नागा चैतन्य पुन्हा एकत्र येणार का? असा प्रश्न त्यांच्या चाहत्यांना पडला आहे.
समंथा आणि नागा चैतन्यची अशी होती लव्ह स्टोरी
‘ये माया चेसावे’ या तेलगू चित्रपटाच्या शूटिंग दरम्यान समंथा आणि नागा चैतन्यची भेट झाली. त्यानंतर ‘ऑटोनगर सूर्या’ या चित्रपटाच्या सेटवर ते पुन्हा भेटले. 6 ऑक्टोबर 2017 रोजी समंथा आणि नाग चैतन्य लग्नबंधनात अडकले.
इतर महत्त्वाच्या बातम्या :
बहुचर्चित 'Shark Tank'शोचे परिक्षक कोट्यावधींच्या कंपन्यांचे मालक; पाहा कोण आहेत?
The Kapil Sharma Show : अक्षयनं घेतला कपिलचा आशीर्वाद? कपिलनं सांगितला फोटो मागील किस्सा
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha