Mamachya Govyala Jauya Marathi Film: 'राजा शिवाजी'(Raja Shivaji) नंतर मराठी सिनेसृष्टीत मराठी सिनेमांचा बॉक्स ऑफिसवर (Box Office Collection) बोलबाला पाहायला मिळत आहे. रितेश देशमुख अभिनीत आणि दिग्दर्शित 'राजा शिवाजी' आणि प्रवीण तरडे दिग्दर्शित 'देऊळ बंद 2' (Deool Band 2) या दोन्ही सिनेमांनी बॉक्स ऑफिसवर धुमाकूळ घातला. रितेश देशमुखच्या 'राजा शिवाजी'ने बॉक्स ऑफिसवर रेकॉर्डतोड कमाई केली. हा मराठी सिनेसृष्टीतील हाइस्ट ग्रॉस सिनेमा बनला आहे. आता 'मामाच्या गोव्याला जाऊया' हा सिनेमा रिलीज झाला आहे. हा सिनेमा बॉक्स ऑफिसवर (Box Office Record) उत्तम कामगिरी करत आहे. ओपनिंग विकेंडमध्ये या सिनेमाने धमाकेदार कमाई केली आहे. 'मामाच्या गोव्याला जाऊया' या सिनेमाने 6 व्या दिवशी किती कोटी कमावले? पाहूयात.
'मामाच्या गोव्याला जाऊया' या सिनेमाने 6व्या दिवशी किती कोटींचा गल्ला जमवला? (Mamachya Govyala Jauya Marathi Film Box Office Collection)
सॅकनिल्कच्या अर्ली ट्रेंड रिपोर्ट्सनुसार, पहिल्या दिवशी 8 लाख रुपयांची कमाई केली. तर, दुसऱ्या दिवशी या सिनेमाने 23 लाख रुपयांची बॉक्स ऑफिस कमाई केली आहे. तिसऱ्या दिवशी या सिनेमाने 41 लाख रुपयांची कमाई केली असून, चौथ्या दिवशी या सिनेमाने 11 लाख रुपये कमावले. पाचव्या दिवशीही या सिनेमाने उत्तम कामगिरी केली आहे. पाचव्या दिवशी या सिनेमाने 13 लाख कमावले.
सॅकनिल्कच्या अर्ली ट्रेंड रिपोर्ट्सनुसार, 'मामाच्या गोव्याला जाऊया' या सिनेमाने सहाव्या दिवशी म्हणजेच बुधवारी 9 लाख रुपये कमावले. या सिनेमाने भारतात आतापर्यंत 1.05 कोटींचं नेट कलेक्शन केलं आहे. तर, 1.18 कोटींचं ग्रॉस कलेक्शन केलं आहे. 'मामाच्या गोव्याला जाऊया' या सिनेमाबाबत बोलायचं झाल्यास, ही एक बहुचर्चित कॉमेडी फिल्म आहे. या सिनेमात मुख्य भूमिकेत अंकुश चौधरी, कुशल बद्रिके, संतोष जुवेकर आणि अभिजीत चव्हाण झळकले आहेत.
'मामाच्या गोव्याला जाऊया' या सिनेमाचे दिग्दर्शन विजू माने यांनी केले असून, हा सिनेमा 31 जुलै 2026 रोजी सिनेमागृहात रिलीज झाला आहे. फिल्मव्हिलाच्या रिपोर्ट्सनुसार, 'मामाच्या गोव्याला जाऊया' हा सिनेमा 7 कोटींच्या बजेटमध्ये तयार करण्यात आला आहे. हा सिनेमा बॉक्स ऑफिसवर ठीकठाक आपली कामगिरी करत आहे. विकेंडमध्ये या सिनेमाच्या कमाईत वाढ होणार का? हा सिनेमा आपला बजेट वसूल करु शकेल का? हे पाहणं महत्त्वाचं ठरेल.
महत्त्वाच्या इतर बातम्या: