Ashok Shinde On Alka Kubal: मराठी सिनेसृष्टी (Marathi Film Industry), टेलिव्हिजन विश्व (Television News) आणि रंगभूमी (Marathi Theater) गाजवणारं लोकप्रिय नाव म्हणजे, अभिनेते अशोक शिंदे (Actor Ashok Shinde). तब्बल तीन दशकांहून अधिक काळ त्यांनी नायक, खलनायक म्हणून रुपेरी पडदा गाजवला. आपल्या अभिनयाच्या जोरावर त्यांनी प्रेक्षकांच्या मनात आपलं अढळ स्थान निर्माण केलं. अशोक शिंदे यांनी मराठी सिनेमा (Marathi Film), मालिका (Marathi Serial) आणि नाटक (Theater) या तिन्ही माध्यमांत मोठे योगदान दिलंय. त्यांनी 100 हून अधिक सिनेमे आणि जवळपास 100 मालिका केल्यात.
मराठी मनोरंजनविश्वात (Marathi Entertainment Industry) ज्येष्ठ अभिनेते अशोक शिंदे (Ashok Shinde) यांनी गेल्या 36 वर्षांत अनेक गाजलेले सिनेमे आणि मालिकांमधून आपल्या अभिनयाची छाप पाडलीय. आजही ते विविध प्रोजेक्ट्समधून प्रेक्षकांच्या भेटीला येत आहेत. या दीर्घ कारकिर्दीत त्यांना अनेक दिग्गज कलाकारांसोबत काम करण्याची संधी मिळाली आणि त्यांच्याकडून बरेच काही शिकायला मिळाल्याचं ते सांगतात. अशोक शिंदे यांनी नुकतीच 'राजश्री मराठी'ला मुलाखत दिली. या मुलाखतीत बोलताना त्यांनी दिग्गजांसोबत काम करताना त्यांच्या अनेक चांगल्या सवयी आणि कामाची पद्धत शिकायला मिळाली, असं ते सांगतात. मुलाखतीत बोलताना त्यांनी अशोक सराफ आणि अलका कुबल यांच्यासारख्या दिग्गजांकडून आपल्याला दिलेली वेळ पाळणं, हा गुण शिकलो, असं सांगितलं.
मराठी अभिनेते अशोक शिंदे अभिनेत्री अलका कुबल यांच्याबाबत नेमकं काय म्हणाले? (Ashok Shinde On Alka Kubal)
अशोक शिंदे म्हणाले की, "मी अशोक सराफ यांच्याकडून टायमिंगबाबत शिकलो. सिनेमाच्या सेटवर त्यांनी कधीच कुणाला, "मला लवकर सोडणार नाहीत का?", असं विचारलेलं मी ऐकलं नाही... एखादी वेळ त्यांना दिली की, दुसऱ्या दिवशी ते अगदी त्याच वेळेला सेटवर हजर असायचे. एकदा एका सिनेमाच्या सेटवर त्यांना काहीही काम दिलं नव्हतं, तरीही ते चार दिवस सेटवर असेच बसून होते... एकदा मी न राहून त्यांना विचारलं की, तुम्ही त्यांना सांगितलं नाही का? की तुमच्या शॉर्ट्सचं शूटिंग आधी करून घ्या, तुम्ही असंच बसून आहात... यावर मला म्हणाले की, मी त्यांना आधीच माझ्या या तारखा दिल्या आहेत, मग मी त्यांना कसं काय सांगायचं? मला इथे या तारखांना थांबणं गरजेचंच आहे..."
अलका कुबल सर्वांसमोर पानउतारा करायची... : अशोक शिंदे
पुढे बोलताना अशोक शिंदे यांनी अलका कुबल यांच्यासोबतचा किस्सा सांगितला. अशोक शिंदे म्हणाले की, "अलका मला सीनियर... माझ्या आधीच तिचे दोन सिनेमे आलेले. ती त्यावेळी मला अगदी फाडूनच खायची... नऊच्या शिफ्टला मी जर 9:10 किंवा 9:15 ला आलो तर संपलं... मग ती सगळ्यांसमोर पानउतारा करायची... मग आम्ही मान खाली घालून राहायचं कारण ती भयंकर चिडलेली असायची... आम्ही दोघांनी साधारण 23 सिनेमे हीरो हीरोइन म्हणून केलेत... कोल्हापूरला तिचं आणि तिच्या नवऱ्याचं प्रोडक्शन हाऊस आहे... त्याच प्रोडक्शन अंतर्गत आम्ही 'सुहासिनीची सत्वपरीक्षा' हा सुपरहिट सिनेमा केलेला. ती मला म्हणायची की, अशोक आज रात्री जागरण वगैरे करू नको, कारण उद्या सकाळी लवकरची शिफ्ट आहे... सातची शिफ्ट असली की, साडेसहाला खाली जमायचं असायचं, पण ती सकाळी साडेपाच वाजताच येऊन बेल मारायची... हे लोक दिग्गज असूनही आपल्या कामात अगदी चोख असायचे..."
दरम्यान, अशोक शिंदे यांच्या वर्कफ्रंटबाबत बोलायचं झालं तर, अशोक शिंदे यांची 36 वर्षांची अभिनय कारकीर्द अनेक यशस्वी सिनेमे आणि टेलिव्हिजन सीरिअल्सनी समृद्ध आहे. सध्या ते स्टार प्रवाहवरच्या 'सूना येती घरा' मालिकेत मुख्य भूमिकेत दिसून येत आहेत. याशिवाय त्यांच्या 'असंभव', 'छत्रीवाली', 'स्वप्नांच्या पलिकडले', 'स्वाभिमान' यांसारख्या गाजलेल्या मालिकांमध्ये झळकलेत. तर, 'हिच मुलगी पाहिजे', 'सुहासिनीची सत्वपरीक्षा', 'दव बिंदू', 'काकण', 'मृत्यूपत्र', 'आभास' यांसारखे अनेक गाजलेले सिनेमे त्यांनी केलेत.
महत्त्वाच्या इतर बातम्या :