Kareena Kapoor : ओटीटीवरील चित्रपट आणि वेब सीरिज लोक आवडीनं पाहतात. ओटीटीवर वेगवेगळ्या विषयांवरील चित्रपट आणि सीरिज प्रेक्षकांच्या भेटीस येत आहेत. आता बॉलिवूडची 'बेबो' म्हणजेच करिना कपूर (kareena kapoor)ओटीटीवर पदार्पण करत आहे. करिनानं सोशल मीडियावर पोस्ट शेअर करून या नव्या प्रोजेक्टबाबत चाहत्यांना माहिती दिली आहे. 


नेटफ्लिक्स या ओटीटी प्लॅटफोर्मवर करिनाचा आगामी चित्रपट रिलीज होणार आहे. या चित्रपटामध्ये करिनासोबतच पाताल लोक फेम अभिनेता जयदीप अहलावत (jaideep ahlawat) आणि  विजय वर्मा (vijay varma) हे देखील प्रमुख भूमिकेत दिसणार आहेत. करिनानं नुकताच एक व्हिडीओ शेअर केला आहे. या व्हिडीओमध्ये या चित्रपटाची टीम स्क्रिप्ट रिडींग करताना दिसत आहे. या चित्रपटाचे दिग्ददर्शन सुजॉय घोष हे करत आहेत. 


करिनानं हा व्हिडीओ शेअर करून कॅप्शनमध्ये लिहिले, '...आणि या गोष्टीची सुरूवात झाली'. करिनाच्या या चित्रपटाचे कथानक 'द डेवोशन ऑफ सस्पेक्ट एक्स' या पुस्तकावर आधारित आहे. एका मुलाखतीमध्ये करिनानं सांगितलं की, 'या चित्रपटाचा मी भाग आहे, या गोष्टीचा मला आनंद वाटतो. या चित्रपटामधून मी ओटीटीवर पदार्पण करणार आहे तसेच हा माझा जेह च्या जन्मानंतरचा अभिनयातील कमबॅक ठरणार आहे. चित्रपटात मर्डर मिस्ट्री दाखवण्यात येणार आहे. '






करिनाचा लाल सिंह चड्ढा हा आगामी चित्रपट 11 ऑगस्टला प्रदर्शित होणार आहे. या चित्रपटामध्ये करिनासोबतच आमिर खान प्रमुख भूमिकेत दिसणार आहे.


संबंधित बातम्या



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha