The Kashmir Files : दिग्दर्शक विवेक अग्निहोत्री (Vivek Agnihotri) यांचा द कश्मीर फाइल्स (The Kashmir Files) सध्या प्रेक्षकांची मनं जिंकत आहे. अनेक सेलिब्रिटी आणि प्रेक्षकांनी या चित्रपटाचं कौतुक केलं आहे. या चित्रपटामध्ये अनुपम खेर (Anupam Kher), पल्लवी जोशी (Pallavi Joshi), मिथुन चक्रवर्ती (Mithun Chakraborty) आणि दर्शन कुमार (Darshan Kumar) या कलाकारांनी प्रमुख भूमिका साकारली आहे. नुकत्याच एका मुलाखतीमध्ये प्रसिद्ध चित्रपट निर्माता आणि दिग्दर्शक करण जोहरला (Karan Johar) या चित्रपटाबद्दल प्रश्न विचारण्यात आला. यावेळी करणनं दिलेल्या उत्तरानं अनेकांचे लक्ष वेधलं. 


करणची प्रतिक्रिया 
करणनं सांगितलं की,  'हा चित्रपट केवळ एक चित्रपट राहिला नसून हे एक आंदोलन झाले आहे. ' तो पुढे म्हणाला, 'द कश्मीर फाइल्स हा चित्रपट कमी बजेटमध्ये तयार करण्यात आला आहे. पण या चित्रपटानं बॉक्स ऑफिसवर चांगली कमाई केली आहे. इंडियन सिनेमामध्ये हा चित्रपट बिगेस्ट हिट चित्रपट ठरला आहे. जय संतोषी मी या 1975मध्ये प्रदर्शित झालेल्या चित्रपटानंतर मी द कश्मीर फाइल्स हाच अशा प्रकारे हिट ठरलेला चित्रपट पाहिला आहे. '


करण जोहरनं सांगितलं की हा चित्रपट पूर्ण देशाला कनेक्ट करत आहे. तो म्हणाला की, अकॅडमिकली अँगलनं या चित्रपटाकडे पाहिलं पाहिजे. करणनं दिग्दर्शित केलेला 'रॉकी और रानी की प्रेम कहानी'  हा चित्रपट लवकरच प्रेक्षकांच्या भेटीस येणार आहे. या चित्रपटामध्ये रणवीर सिंह आणि आलिया भट यांच्यासोबत  धर्मेंद्र, शबाना आझमी आणि जया बच्चन हे कलाकार प्रमुख भूमिकेत दिसणार आहेत. 


हेही वाचा :



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha