KGF Chapter 2 : बॉलिवूडमधील प्रसिद्ध अभिनेत्री कंगना रनौत (kangana Ranaut) सोशल मीडियावर अॅक्टिव्ह असते. वेगवेगळ्या विषयांवरील मतं कंगना सोशल मीडियावर मांडत असते. नुकतीच कंगनानं सोशल मीडियावर एक पोस्ट शेअर केली. या पोस्टमध्ये तिनं अभिनेता  यशचा (Yash) कौतुक केलं आहे. 


अभिनेता यशचा 'केजीएफ चॅप्टर 2' (KGF Chapter 2) हा चित्रपट सध्या बॉक्स ऑफिसवर धुमाकूळ घालत आहे. या चित्रपटामधील यशचा अभिनय पाहिल्यानंतर कंगनानं त्याचं कौतुक केलं आहे. सोशल मीडियावर पोस्ट शेअर करून कंगना म्हणाली की यश हा  'अँग्री यंग मॅन' आहे. ती म्हणाली, 'भारत गेली काही दशके  अँग्री यंग मॅनला मिस करत होता.' तसेच या पोस्टमध्ये कंगनानं यशची तुलना अमिताभ बच्चन यांच्यासोबत केली. 




केजीएफ-2 ची बॉक्स ऑफिसवर जादू 
एका रिपोर्टनुसार केजीएफ चॅप्टर-2 या चित्रपटानं सोमवारी (18 एप्रिल) 46 कोटींची कमाई केली.  तसेच सर्व भाषांमध्ये रिलीज झाल्यानंतर या चित्रपटानं भारतामध्ये जवळपास 427.50 कोटींची कमाई केली. यशसोबतच संजय दत्त , मालविका अविनाश,श्रीनिधी शेट्टी आणि रवीना टंडन या कलाकारांनी प्रमुख भूमिका साकारली आहे. केजीएफनं रिलीज झाल्यानंतर पहिल्याच रेकॉर्ड ब्रेक कमाई केली आहे. पहिल्या दिवशी या चित्रपटानं 53.95 कोटींची कमाई करून वॉर, ठग्स ऑफ हिंदुस्थान या चित्रपटांचे ओपनिंग डे कलेक्शनचं रेकॉर्ड तोडलं आहे.


संबंधित बातम्या