Jayeshbhai Jordaar Twitter Review :  बॉलिवूडमधील प्रसिद्ध अभिनेता रणवीर सिंहचा (Ranveer Singh) चाहता वर्ग मोठा आहे. रणवीर त्याच्या अभिनयानं प्रेक्षकांची मनं जिंकतो. त्याच्या चित्रपटांची प्रेक्षक उत्सुकतेने वाट पाहातात. त्याचा काही दिवसांपूर्वी जयेशभाई जोरदार (Jayeshbhai Jordaar) चित्रपट प्रदर्शित झाला. या चित्रपटाचा ट्रेलर रिलीज झाल्यानंतर रणवीरचे चाहते या चित्रपटाची उत्सुकतेनं वाटत पाहात होते. पण चित्रपट पाहून मात्र प्रेक्षक निराश झालेले दिसत आहेत. सोशल मीडियावर नेटकऱ्यांनी या चित्रपटाबाबत प्रतिक्रिया दिली आहे. या प्रतिक्रियेवरून असे लक्षात येत आहे की, या चित्रपटाला प्रेक्षकांची पसंती मिळत नाहीये. 


एका नेटकऱ्यानं ट्वीटरवर शेअर केलेल्या पोस्टमध्ये लिहिले, 'स्त्री भ्रूणहत्येच्या या विषयालवर आधारित असणारा हा चित्रपट खूप बोरिंग आहे. हा चित्रपट प्रेक्षकांचे मनोरंजन करण्यात अपयशी ठरला आहे. '






 कमाल आर खाननं पोस्टमध्ये लिहिलं, 'या चित्रपटाचे 30 टक्के शो हे रद्द करण्यात आले आहेत. रणवीर आणि आदित्य चोप्राला अभिनंदन करतो. '






तर एका नेटकऱ्यानं ट्वीट करत लिहिलं, 'डेंजरस रिस्पॉन्स'






एका नेटकऱ्यानं शेअर केलेल्या पोस्टमध्ये लिहिलं की या चित्रपटामध्ये नवं काहीच नाहीये. बॉलीवूडमध्ये  क्रिएटिव्हिटी हरवलेली दिसते.'






जयेशभाई जोरदार या चित्रपटामध्ये रणबीरनं  जयेशभाई ही भूमिका साकारली असून अभिनेता बोमन इराणी यांनी गावाच्या सरपंचाची  भूमिका साकारली आहे. अभिनेत्री शालिनी पांडेनं जयेशभाईच्या पत्नीची भूमिका या चित्रपटामध्ये साकारली आहे. तसेच रत्ना पाठक आणि दीक्षा जोशी हे कलाकार देखील या चित्रपटामध्ये महत्वाच्या भूमिकेत दिसणार आहेत. जयेशभाई जोरदार हा चित्रपट 13 मे रोजी प्रेक्षकांच्या भेटीस आला आहे. चित्रपटाचे दिग्दर्शन दिव्यांक ठक्कर यांनी केलं आहे. 'जयेशभाई जोरदार' या सिनेमाचे शूटिंग फेब्रुवारी 2020 मध्येच पूर्ण झाले. पण कोरोना महामारीमुळे सिनेमाची रिलीज डेट पुढे ढकलण्यात आली. काही दिवसांपूर्वी या चित्रपटाचा ट्रेलर रिलीज झाला आहे.  ट्रेलर पाहून असे लक्षात येते की चित्रपटामध्ये स्त्री भ्रूण हत्या हा मुद्दा मांडण्यात आला आहे. 


संबंधित बातम्या