Fussclass Dabhade : अभिनेता हेमंत ढोमेचा (Hemant Dhome) नवा सिनेमा नव्या वर्षात प्रेक्षकांच्या भेटीला येणार आहे. 'फसक्लास दाभाडे' (Fussclass Dabhade) असं या सिनेमाचं नाव आहे. दिवाळीच्या मुहूर्तावर हेमंतच्या या नव्या सिनेमाचं पोस्टर नुकतच रिलीज करण्यात आलंय. या सिनेमात बरीच कलाकार मंडळी महत्त्वाच्या भूमिकांमध्ये दिसणार आहेत.
निवेदिता सराफ, राजन भिसे, अमेय वाघ, राजसी भावे, सिद्धार्थ चांदेकर, क्षिती जोग आणि हरिश दुधाणे ही कलाकार मंडळी दिसतायत. त्यामुळे या सिनेमाविषयी प्रत्येकाला उत्सुकता लागून राहिलीये. या सिनेमाची कथा नेमकी काय असणार याचीही उत्सुकता आहे. हा सिनेमा येत्या 24 जानेवारी रोजी प्रदर्शित केला जाणार आहे.
हेमंतने शेअर केलं सिनेमाचं पोस्टर
हेमंतने त्याच्या सोशल मीडियावर नव्या सिनेमाचं पोस्ट रिलीज केलं आहे. त्यावर कॅप्शन देत त्याने म्हटलं की, आपल्या फसक्लास दाभाडे कुटूंबाकडून आपल्याला व आपल्या कुटूंबाला दिपावलीच्या फसक्लास शुभेच्छा! झिम्माच्या टीमचा नवा सिनेमा ‘फसक्लास दाभाडे’ 24 जानेवरी पासून तुमच्या जवळच्या फसक्लास चित्रपटगृहात!
हेमंतचा झिम्मा-2 देखील बॉक्स ऑफिसवर यशस्वी
हेमंत ढोमेचा सुहास जोशी, निर्मिती सावंत, सुचित्रा बांदेकर, क्षिती जोग, सायली संजीव, शिवनी सुर्वे, रिंकू राजगुरु आणि सिद्धार्थ चांदेकर अशी कलामंडळी असलेला झिम्मा -2 हा चित्रपट 24 नोव्हेंबर रोजी प्रेक्षकांच्या भेटीला आला. दरम्यान 9 आठवडे या चित्रपटाला चित्रपटगृहात प्रेक्षकांची पसंती मिळाली. त्यानंतर आता हेमंतचा नवा सिनेमाचा प्रेक्षकांच्या भेटीस येणार आहे. झिम्मा, झिम्मा2, सन्नी असे काही सिनेमे हेमंतने मागच्या काळामध्ये दिग्दर्शित केले. त्यानंतर त्याच्या या नव्या सिनेमाचीही उत्सुकता लागून राहिली आहे. या सिनेमाची आता काय नवी गोष्ट असणार हे पाहणंही उत्सुकतेचं ठरेल.