Entertainment News Live Updates 16 November : टीव्हीपासून ते बॉलिवूडपर्यंत... मनोरंजन विश्वात काय घडतंय जाणून घ्या एका क्लिकवर!
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकता असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Ameya Khopkar: महाराष्ट्र नवनिर्माण सेनेचे नेते अमेय खोपकर (Ameya Khopkar) यांनी नुकतेच पाकिस्तानी कलाकारांबाबत एक ट्वीट केलं आहे. बॉलिवूडबरोबच इतर भाषांमधील चित्रपटांमध्ये पाकिस्तानी कलाकारांनी जर काम केलं तर चित्रपट निर्मात्यांना त्याचे गंभीर परिणाम भोगावे लागतील, असा इशारा अमेय यांनी त्यांच्या ट्वीटच्या माध्यमातून बॉलिवूड चित्रपट निर्मात्यांना दिला आहे.
Aishwarya Rai Bachchan: बॉलिवूडमधील प्रसिद्ध अभिनेत्री ऐश्वर्या राय बच्चन (Aishwarya Rai Bachchan) ही तिच्या वैयक्तिक आयुष्यामुळे चर्चेत असते. ऐश्वर्या वेगवेगळ्या लूकमधील फोटो सोशल मीडियावर शेअर करते. नुकताच ऐश्वर्यानं एक फोटो सोशल मीडियावर शेअर केला आहे. या फोटोवर नेटकऱ्यांनी लाइक्स आणि कमेंट्सचा वर्षाव केला. पण काही युझर्स या फोटोला कमेंट करुन ऐश्वर्याला ट्रोल करत आहेत.
Govinda Naam Mera Will Release On Ott: बॉलिवूडमधील प्रसिद्ध अभिनेता विकी कौशल (Vicky Kaushal) हा त्याच्या अभिनयानं नेहमीच प्रेक्षकांची मनं जिंकतो. विकीच्या आगामी चित्रपटांची प्रेक्षक उत्सुकतेने वाट बघतात. लवकरच त्याचा 'गोविंदा नाम मेरा' (Govinda Naam Mera) हा चित्रपट प्रेक्षकांच्या भेटीस येणार आहे. या चित्रपटात विकीसोबतच अभिनेत्री कियारा आडवाणी (Kiara Advani) आणि भूमी पेडणेकर(Bhumi Pednekar) हे प्रमुख भूमिका साकारणार आहेत. धर्मा प्रोडक्शन या चित्रपटाची निर्मिती करणार आहे. हा चित्रपट ओटीटीवरुन प्रेक्षकांच्या भेटीस येणार आहे.
Sundara Manamadhe Bharli: सुंदरा मनामध्ये भरली (sundara manamadhe bharli) या छोट्या पडद्यावरील मालिकेला प्रेक्षकांची पसंती मिळत आहे. या मालिकेतील कलाकार आणि मालिकेच्या कथानकाला प्रेक्षकांची पसंती मिळाली. या मालिकेमध्ये अभिनेत्री अक्षया नाईक (Akshaya Naik) आणि अभिनेता समीर परांजपे (Sameer Paranjape) हे कलाकार प्रमुख भूमिका साकारतात. अक्षया आणि समीर यांच्या मालिकेमधील केमिस्ट्रीनं अनेकांचे लक्ष वेधले. या मालिकेतील कलाकार हे शूटिंग दरम्यानचे काही फोटो आणि व्हिडीओ शेअर करतात. नुकताच अक्षया नाईकनं एक व्हिडीओ शेअर केला आहे. या व्हिडीओमध्ये अक्षया ही ट्रक चालवताना दिसत आहे.
Urmilla Kothare : देशातील नागरिक मोठ्या प्रमाणात डिजीटल व्यवहार करताना दिसत आहेत. डिलीटल व्यवहारामुळे अनेक गोष्टी सोप्या झाल्या आहेत. तर दुसरीकडे या व्यवहारामुळे सायबर गुन्हेगारीच्या घटना मोठ्या प्रमाणात वाढत आहेत. आता मराठी सिनेसृष्टीतील आघाडीची अभिनेत्री उर्मिला कोठारे (Urmila Kothare) सायबर क्राइमची शिकार होता होता वाचली आहे.
Ketaki Chitale: अभिनेत्री केतकी चितळे (Ketaki Chitale) ही तिच्या वादग्रस्त वक्तव्यांमुळे चर्चेत असते. केतकी ही सोशल मीडियाद्वारे वेगवेगळ्या विषयांवर तिची मतं मांडते. गेल्या काही दिवसांपासून श्रद्धा हत्याकांड (Shraddha Murder Case) प्रकरणामुळे संपूर्ण देश हदरला आहे. दिल्ली पोलिसांनी श्रद्धा हत्याकांडातील आरोपी आफताब पूनावालाला अटक केली आहे. आता या संदर्भात केतकीनं एक पोस्ट सोशल मीडियावर शेअर केली आहे. केतकीनं तिच्या फेसबुक आणि इन्टाग्राम अकाऊंटवरुन पोस्ट शेअर करत श्रद्धा हत्याकांड प्रकणावर भाष्य केलं आहे.
Kaun Banega Crorepati 14 Promo : बॉलिवूडचे महानायक अमिताभ बच्चन (Amitabh Bachchan) अनेकदा वैयक्तिक आयुष्यामुळे चर्चेत असतात. अमिताभ आणि जया बच्चन (Jaya Bachchan) ही बॉलिवूडची परफेक्ट जोडी आहे. आता 'कौन बनेगा करोडपती 14'च्या (Kaun Banega Crorepati 14) मंचावर अमिताभ यांनी जया बच्चन यांच्याशी लग्न करण्याचं कारण सांगितलं आहे.
Sandeep Pathak Raakh Movie : मराठमोळा अभिनेता संदीप पाठकचा (Sandeep Pathak) 'राख' (Raakh) हा सिनेमा गेल्या काही दिवसांपासून चर्चेत आहे. आता 53 व्या 'गोवा आंतरराष्ट्रीय चित्रपट महोत्सवात' फिल्म मार्केटसाठी 'राख' सिनेमाची निवड झाल्याचे सांस्कृतिक कार्यमंत्री सुधीर मुनगंटीवार यांनी यांनी जाहीर केले आहे.
Aastad Kale On Shraddha Murder Case : श्रद्धा वालकर हत्याकांड प्रकरण (Shraddha Murder Case) सध्या देशभरात चर्चेत आहे. श्रद्धाचा प्रियकर आफताबनं गळा दाबून तिची हत्या केली आहे. श्रद्धाच्या मृतदेहाचे त्याने 35 तुकडे केले. ते तुकडे त्याने फ्रिजमध्ये ठेवले आणि टप्प्याटप्प्याने तो त्याची विल्हेवाट लावत होता. सध्या पोलीस या प्रकरणाचा तपास घेत आहेत. या घटनेप्रकरणी आता अभिनेता आस्ताद काळेने (Aastad Kale) अप्रत्यक्षरित्या संपात व्यक्त केला आहे.
Shreeram Lagoo : हिंदी आणि मराठी सिनेसृष्टीतील ज्येष्ठ अभिनेते आणि रंगभूषाकार डॉ. श्रीराम लागू (Shreeram Lagoo) यांची आज जयंती आहे. 16 नोव्हेंबर 1927 रोजी साताऱ्यात त्यांचा जन्म झाला. मराठी रंगभूमीवरचा 'नटसम्राट' असे डॉ. श्रीराम लागू यांना म्हटले जाते. डॉक्टर सिनेमांपेक्षा नाटकातच जास्त रमले.
पार्श्वभूमी
Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Jacqueline Fernandez: 200 कोटींच्या मनी लाँड्रिंग प्रकरणात जॅकलिन फर्नांडिसला कोर्टाकडून दिलासा
मनी लाँड्रिंग प्रकरणी पटियाला कोर्टानं अभिनेत्री जॅकलिन फर्नांडिसला (Jacqueline Fernandez) जामीन मंजूर केला आहे. कोर्टाच्या परवानगीशिवाय देश सोडून जाण्यास जॅकलिनला मनाई करण्यात आली आहे. दोन लाखांच्या जातमुचलक्यावर जॅकलिनला जामीन मिळाला आहे. यापूर्वी जॅकलिनच्या जामिनावर 11 नोव्हेंबरला निर्णय होणार होता. मात्र न्यायालयाने निर्णय राखून ठेवला होता. आज (15 नोव्हेंबर) पटियाला कोर्टामध्ये जॅकलिनच्या जामिना आर्जावर सुनावणी झाली.
Surya Marathi Movie: ‘सुर्या’ च्या विरोधात खलनायकांची फौज
चित्रपटात मुख्य नायक - नायिकेइतकाच नकारात्मक भूमिका साकारणाऱ्या कलाकारांचाही महत्त्वाचा वाटा असतो. नायक खलनायकाची जुगलबंदी प्रेक्षकांसाठी नेहमीच मनोरंजक असते. आपल्या प्रभावी अदाकारीतून नायकाला जबर आव्हान देणारा खलनायक प्रेक्षकांनाही पहायला आवडतो. आगामी ‘सुर्या’ (Surya) या मराठी चित्रपटात मराठी-हिंदीतील सशक्त अभिनेत्यांची फौज आपल्याला खलनायकाच्या रुपात दिसणार आहे. ‘सुर्या’ या चित्रपटाच्या नायकाचा सामना या सर्व खलनायकांशी होणार आहे. ‘सुर्या’ या चित्रपटात अखिलेन्द्र मिश्रा, हेमंत बिर्जे, हॅरी जोश, उदय टिकेकर, गणेश यादव ही मंडळी आपल्या खलप्रवृत्तीतून ‘सुर्या’ला बेजार करताना दिसतील. प्रसाद मंगेश हा युवा अभिनेता आपल्याला ‘सुर्या’च्या डॅशिंग भूमिकेत पहायला मिळणार आहे.
'त्या राक्षसाला...' श्रद्धा हत्याकांड प्रकरणावर स्वरा भास्करची प्रतिक्रिया
श्रद्धा वालकरच्या (Shraddha Murder Case) हत्याकांड प्रकरणानं संपूर्ण देश हदरला आहे. दिल्लीतील (Delhi) मेहरौली भागात श्रद्धा वालकर नावाच्या तरुणीची तिचा लिव्ह-इन पार्टनर आफताबनं गळा दाबून हत्या केली. आफताबनं श्रद्धाच्या मृतदेहाचे तब्बल 35 तुकडे केले. हे तुकडे त्यानं फ्रीजमध्ये ठेवले. आफताबनं केलेल्या या अमानुष हत्येवर देशभरातून संताप व्यक्त केला जात आहे. नुकतच अभिनेत्री स्वरा भास्करनं (Swara Bhasker) एक ट्वीट शेअर केलं आहे. या ट्वीटमध्ये तिनं, हे प्रकरण किती भयानक, भीषण आणि दुःखद आहे.' असं लिहिलं आहे.
- - - - - - - - - Advertisement - - - - - - - - -