Entertainment News Live Updates 11 May : टीव्हीपासून ते बॉलिवूडपर्यंत... मनोरंजन विश्वात काय घडतंय जाणून घ्या एका क्लिकवर!
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकता असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Aai Kuthe Kay Karte: आई कुठे काय करते (Aai Kuthe Kay Karte) या मालिकेला प्रेक्षकांची पसंती मिळत आहे. सध्या या मालिकेत सध्या ईशा आणि अनिष यांच्या साखरपुड्याची तयारी सुरु आहे. लवकरच ईशा बोहल्यावर चढणार आहे. 'आई कुठे काय करते' या मालिकेच्या गेल्या एपिसोडमध्ये ईशा आणि देशमुख कुटुंब हे शॉपिंग करताना दिसले. आता आई कुठे काय करते या मालिकेच्या एका प्रोमोमध्ये दिसत आहे की अनिषसाठी घेतलेली अंगठी ही हरवली आहे.
Tuzech Mi Geet Gaat Aahe: तुझेच मी गीत गात आहे (Tuzech Mi Geet Gaat Aahe) या मालिकेला प्रेक्षकांची पसंती मिळत आहे. या मालिकेत स्वरा ऊर्फ स्वराजला गेल्या कित्येक दिवसांपासून बोलता येत नाहीये. पण सध्या तुझेच मी गीत गात आहे या मालिकेचा एक प्रोमो सोशल मीडियावर व्हायरल होत आहे. या प्रोमोमध्ये दिसत आहे की, स्वराज म्हणजे स्वराला आता बोलता येत आहे. हे पाहुन मल्हारला आनंद झाला आहे.
Dhoni Met The Elephant Whisperers Team: क्रिकेटर महेंद्र सिंह धोनीनं (Mahendra Singh Dhoni) नुकतीच ऑस्कर विजेती डॉक्युमेंट्री 'द एलिफंट विस्परर्स' (The Elephant Whisperers) च्या टीमची भेट घेतली आहे. 'द एलिफंट विस्परर्स'डॉक्युमेंट्रीची दिग्दर्शिका कार्तिकी गोंजाल्विस,या डॉक्युमेंट्रीमधील बोमन आणि बेली यांची भेट महेंद्र सिंह धोनीनं घेतली. महेंद्र सिंह धोनी आणि 'द एलिफंट विस्परर्स'डॉक्युमेंट्रीच्या टीमचे फोटो आणि व्हिडीओ सोशल मीडियावर व्हायरल झाले आहेत.
पार्श्वभूमी
Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Karan Gunhyala Mafi Nahi : 'कारण गुन्ह्याला माफी नाही' मालिकेत आस्ताद काळेची एन्ट्री
Karan Gunhyala Mafi Nahi : 'कारण गुन्ह्याला माफी नाही' (Karan Gunhyala Mafi Nahi) ही नवी थरारक मालिका आता प्रेक्षकांच्या भेटीला आली आहे. त्याची झलक प्रेक्षकांना आवडली आहे. या मालिकेत प्रेक्षकांचे आवडते इन्स्पेक्टर भोसले आणि जमदाडे आपल्याला निराळ्या अंदाजात पाहता येणार आहेत. आता या मालिकेत आस्ताद काळेची (Astad Kale) एन्ट्री होणार आहे.
Sudipto Sen : 'The Kerala Story' बनवणारे सुदीप्तो सेन कोण आहेत?
Sudipto Sen The Kerala Story : गेल्या काही दिवसांपासून अनेक सिनेमांवर टीका होत आहे. पण वादाच्या भोवऱ्यात अडकलेले हे सिनेमे बॉक्स ऑफिसवर जादू दाखवण्यात मात्र यशस्वी होत आहेत. गेल्या काही दिवसांपूर्वी 'द केरळ स्टोरी' (The Kerala Story) हा सिनेमा प्रेक्षकांच्या भेटीला आला आहे. सुदीप्तो सेनने (Sudipto Sen) या सिनेमाच्या दिग्दर्शनाची धुरा सांभाळली आहे.
Adipurush Trailer Launch: 'आदिपुरुष'च्या ट्रेलर लाँचला थिएटरमध्ये बसायला नव्हती जागा; क्रितीनं केलं असं काही की, सोशल मीडियावर होतोय कौतुकाचा वर्षाव
Adipurush Actress Kriti Sanon: 'आदिपुरुष' (Adipurush) हा चित्रपट लवकरच प्रेक्षकांच्या भेटीस येणार आहे. काही दिवसांपूर्वी या चित्रपटाच्या ट्रेलर लाँचचा कार्यक्रम पार पडला. या ट्रेलर लाँच कार्यक्रमाला चित्रपटामधील सर्व स्टार कास्टने हजेरी लावली. ट्रेलर लाँच कार्यक्रमाला प्रेक्षकांनी गर्दी केली होती. यावेळी अभिनेत्री क्रिती सेननला (Kriti Sanon) बसायला जागा मिळत नव्हती. ट्रेलर लाँच कार्यक्रमामधील क्रितीचा एक व्हिडीओ सोशल मीडियावर व्हायरल झाला आहे. या व्हिडीओमध्ये दिसत आहे की, क्रिती ही बसायला जागा मिळत नसल्यानं ट्रेलर पाहण्यासाठी खाली बसते.
Aai Kuthe Kay Karte : 'आई कुठे काय करते' मालिकेत अखेर आशुतोषच्या बहिणीची एन्ट्री होणार
Aai Kuthe Kay Karte Marathi Serial Latest Update : 'आई कुठे काय करते' (Aai Kuthe Kay Karte) ही छोट्या पडद्यावरील लोकप्रिय मालिका आहे. दिवसेंदिवस या मालिकेची लोकप्रियता वाढत चालली आहे. सध्या या मालिकेत इशाची लगीनघाई सुरू असून लवकरच तिला साखरपुडा होणार आहे. दरम्यान मालिकेत आशुतोषच्या बहिणीची एन्ट्री होणार आहे.
- - - - - - - - - Advertisement - - - - - - - - -