Happy Birthday Ananya Pandey: गेहराईयां , खो गये हम कहा, ctrl आशा सिनेमांमध्ये नव्या पिढीच्या भूमिका साकारणारी आणि आपल्या क्युटनेसमुळे कायम चर्चेत असणारी बॉलीवूडची अभिनेत्री अनन्या पांडे ही यंदा आपल्या 26 वा वाढदिवस साजरा करत आहे. 30 ऑक्टोबर 1998 रोजी तिचा जन्म झाला. अभिनेता चंकी पांडे आणि भावना पांडे यांची मुलगी म्हणून ती मनोरंजन सृष्टीत चर्चेचा विषय बनली होती. मात्र आपल्या भूमिकांच्या आणि अभिनयाच्या जोरावर आता तिने आपलं स्वतःचं नावही प्रेक्षकांच्या मनात कोरलं आहे. करण जोहरच्या स्टुडंट ऑफ द इयर 2 मधून पदार्पण करणाऱ्या अनन्या पांडे बद्दल या इंटरेस्टिंग गोष्टी माहिती आहेत का?
सिनेमाच्या निवडीबाबत अनन्या पसंत करते 'या' फिल्म्स
बॉलीवूडच्या जगात कोणती फिल्म हिट ठरेल किंवा कुठली फ्लॉप ठरेल यावर त्या चित्रपटात काम करणाऱ्या कलाकाराचही भविष्य अवलंबून असतं. गेहराईया, खो गये हम कहा अशा दमदार कलाकृतींमध्ये झळकलेली अनन्या पांडे सिनेमा निवडताना यंग फ्रेश आणि तिला कनेक्ट होणाऱ्या सिनेमांना पसंती देते. तिला आवडणारे ब्रँड्स आणि सिनेमेच ती स्वीकारत असल्याचं तिनं एका कार्यक्रमात सांगितलं होतं.
या दोघींसोबत हॉलिडे वर जायला आवडतं
अनन्या पांडे आणि शाहरुख खानची मुलगी सुहाना खान या दोघी खास मैत्रिणी असल्याचं वारंवार समाज माध्यमावरही अनन्याने सांगितले आहे. शिवाय शनाया आणि सुहाना खान या दोघींसोबत तिला हॉलिडे वर जायला प्रचंड आवडत असल्यासही अनन्या सांगते. सुहाना आणि शनाया सोबत फिरायला जाणं तिला आवडतं असं ती म्हणते.
चुकीच्या कमेंट्स आणि ट्रॉलिंगला झेलणं बाबांनी शिकवलं
खो गये हम कहा या चित्रपटानंतर ट्रोलिंग, मोबाईलच्या आहारी गेलेली आणि सोशल मीडियाच्या जगात अडकलेली तरुण पिढी या विषयावर आधारित असणाऱ्या या चित्रपटानंतर चुकीच्या कमेंट्स आणि ट्रॉलिंगला झळणं बाबांनी म्हणजेच चंकी पांडे यांनी शिकवलं असल्याचं अनन्या म्हणाली होती. बॉलीवूडमध्ये चंकी पांडे यांच्या एन्ट्री सोपी झाली असली तरी एक्टिंग करणं सोपं काम नसल्याचेही ते सांगते.