Emraan Hashmi Fans Get Big News: इम्रान हाश्मी (Emraan Hashmi) सध्या 'आवारापन 2' (Awarapan 2) या सिनेमामुळे प्रचंड चर्चेत आहे. ओपनिंग डे आणि विकेंडला या सिनेमाने जबरदस्त कामगिरी केली. 'आवारापन 2' या सिनेमासमोर 'बंटवारा 2' या सिनेमाची जादू चालली नाही. इम्रान हाश्मीने 'शिवम पंडित' या भूमिकेतून प्रेक्षकांच्या मनात एक विशेष स्थान मिळवलं. आता प्रेक्षकांवर 'आवारापन 2' या सिनेमाची क्रेझ पाहायला मिळत आहे. या सिनेमातील गाणी आणि डायलॉग्सने प्रेक्षकांचं मन जिंकलं आहे. दरम्यान, इम्रान हाश्मीचं कमबॅक होणार, एवढं मात्र नक्की. 'आवारापन 2' नंतर आता 'जन्नत 3' (Jannat 3) या सिनेमाच्या संबंधित एक मोठी अपडेट समोर आली आहे. यामुळे इम्रान हाश्मीच्या (Entertainment) चाहत्यांना विशेष आनंद झाला आहे.
'आवारापन 2' या सिनेमाला मिळत असलेल्या यशानंतर 'जन्नत' या सिनेमाच्या तिसऱ्या सिक्वेलबाबत मोठी अपडेट दिली आहे. त्यांनी सांगितलं की, 'जन्नत 3' या सिनेमाच्या स्क्रिप्टवर सध्या काम सुरु आहे. विशेष भट्टने अलिडेच 'झूम'ला मुलाखत दिली होती. या मुलाखतीत त्यांनी सांगितलं की, ' 'आवारापन 2' नंतर मी नक्कीच 'जन्नत 3' साठी काम करेल', असं त्यांनी म्हटलं. यानंतर त्यांना 'जन्नत 3'च्या स्क्रिप्टबाबत विचारण्यात आलं. तेव्हा भट्ट म्हणाले की, 'त्याचं गोष्टीवर सध्या काम सुरू आहे', असंही निर्मात्यांनी सांगितलं.
या मुलाखतीत विशेष भट्ट यांनी खास इम्रान हाश्मीच्या 'आवारापन 2' या सिनेमावरही भाष्य केलं. 'हा सिनेमा पैशांच्या उद्देशाने तयार करण्यात आलेला नाही', असं त्यांनी सांगितलं. ''आवारापन 2' हा सिनेमा आर्थिक फायद्यांसाठी तयार करण्यात आलेला नाही. असं असतं तर, डिस्ट्रीब्यूटर्स या सिनेमात रस दाखवले असते. या सिनेमाने चांगलंच प्रॉफीट कमावलं असतं. मार्केटमध्ये कुणीच सिनेमा विकत घेण्यासाठी आले नव्हते. आम्ही यात पैसे लावले आहे. जेव्हा फिल्म तयार झाली, तेव्हा मार्केटमध्ये याची चर्चा होऊ लागली', असं त्यांनी म्हटलं.
इम्रान हाश्मीची पहिली हिट फिल्म (Jannat 3 Sequel update by producer)
16 मे 2008 साली इम्रान हाश्मीचा 'जन्नत' हा सिनेमा रिलीज झाला होता. हा सिनेमा चित्रपटगृहात तुफान चालला. इम्रान हाश्मीच्या कारकिर्दीतील हा सिनेमा हिट ठरला. या सिनेमाचे दिग्दर्शन कुणाल देशमुखने केले असून, प्रॉड्यूसर मुकेश भट्ट होते. ही एक रोमाँटिक क्राइम ड्रामा फिल्म होती. या सिनेमात इम्रान हाश्मी आणि सोनल चौहान मुख्य भूमिकेत झळकले आहेत. यानंतर 'जन्नत 2' हा सिनेमाही रिलीज झाला. या सिनेमात रणदीप हुड्डा आणि ईशा गुप्ता मुख्य भूमिकेत होते. हा सिनेमा 2012 साली रिलीज झाला होता. आता तिसऱ्या सिनेमाच्या प्रतिक्षेत प्रेक्षक आहेत.
महत्त्वाच्या इतर बातम्या: