Awarapan 2 Box Office Collection: इम्रान हाश्मीचा (Emraan Hashmi) 'आवारापन 2' (Awarapan 2) या सिनेमाची प्रेक्षकांमध्ये क्रेझ वाढत चालली आहे. हा चित्रपट बॉक्स ऑफिसवर जबरदस्त कामगिरी करत आहे. या सिनेमाची प्रदर्शनापूर्वीच (Entertainment) बरीच चर्चा रंगली होती. प्रदर्शनानंतर या सिनेमाने धमाकेदार कामगिरी केली. इतकंच नाही, 'आवारापन 2' या सिनेमाने रोमाँटिक अॅक्शन सिक्वेल सनी देओल यांचा सिनेमा 'बंटवारा 1947' या सिनेमालाही बॉक्स ऑफिस कमाईच्या (Box Office Collection) बाबतीत पछाडलं. ओपनिंग डे पासून हा सिनेमा धुवांधार कमाई करत आहे. विकेंडमध्ये या सिनेमाने उत्तम कामगिरी केली आहे. रविवारी म्हणजेच तिसऱ्या दिवशी या सिनेमाने किती कोटींचं केलं? जाणून घेऊयात.
'आवारापन 2' या सिनेमाने तिसऱ्या दिवशी किती कोटींचं कलेक्शन केलं? (Emraan Hashmi Awarapan 2 Box Office Collection)
2007 साली रिलीज झालेला 'आवारापन' या सिनेमाने तरुणाईंना अक्षरश: वेड लावलं होतं. हा कल्ट क्लासिक सिनेमा आजही प्रेक्षकवर्ग आवर्जून पाहतात. तेव्हा या सिनेमाला चित्रपटगृहात फारसं यश मिळालं नाही. पण 2026 साली रिलीज झालेला 'आवारापन' या सिनेमाचा सिक्वेल 'आवारापन 2' या चित्रपटाला प्रेक्षकांकडून उत्तम प्रतिसाद मिळत आहे. इम्रान हाश्मीने 'शिव पंडित' ही व्यक्तीरेखा साकारुन पुन्हा एकदा कमबॅक केलं आहे. धमाकेदार ओपनिंग केल्यानंतर विकेंडलाही या सिनेमाला प्रेक्षकांकडून उत्तम प्रतिसाद मिळत आहे.
धमाकेदार सुरुवात केल्यानंतर तीस कोटींचं बजेटही या सिनेमाने वसूल केलं आहे. रविवारी या सिनेमाने चांगली कामगिरी केली. 'आवारापन 2' या सिनेमाने 22 कोटींची कमाई करुन धमाकेदार ओपनिंग केली. दुसऱ्या दिवशी या सिनेमाच्या कमाईत जबरदस्त वाढ झाली असल्याचं पाहायला मिळालं. दुसऱ्या दिवशी या सिनेमाने 33.75 कोटी कमावले. सॅकनिल्कच्या अर्ली ट्रेंड रिपोर्ट्सनुसार, 'आवारापन 2' या सिनेमाने प्रदर्शनाच्या तिसऱ्या दिवशी म्हणजेच रविवारी 26.5 कोटींचं कलेक्शन केलं आहे.
भारतात या सिनेमाने एकूण 82 कोटींचं नेट कलेक्शन केलं. दुसऱ्या दिवशीच्या तुलनेत तिसऱ्या दिवसाच्या कमाईत घट झाली आहे. दरम्यान, हा सिनेमा लवकरच 100 कोटींचं कलेक्शन करेल, यात शंका नाही. 'आवारापन 2' या सिनेमात इम्रान हाश्मीचा तोच 'शिव पंडित' अंदाज पाहायला मिळत आहे. या सिनेमाचं दिग्दर्शन नितिन कक्कर यांनी केले असून, या चित्रपटात दिशा पटानी, शबाना आझमी आणि पूरन गब्बी यांच्या महत्त्वाच्या भूमिक आहेत. हा सिनेमा 14 ऑगस्ट रोजी सिनेमागृहात रिलीज झाला होता.
महत्त्वाच्या इतर बातम्या: