imran khan : जगभरात काल (3 एप्रिल) ईदचा सण मोठ्या उत्साहात साजरा करण्यात आला. अनेक सेलिब्रेटींनी ईद सेलिब्रेशनचे फोटो सोशल मीडियावर शेअर केले. अभिनेता आमिर खानची (Aamir Khan) मुलीनं म्हणजेच आयरा खाननं (Ira Khan) देखील काही फोटो सोशल मीडियावर शेअर केले आहेत. या फोटोध्ये आयराचा बॉयफ्रेंड नुपुर शिखरे आणि आमिरचा भाचा अभिनेता इमरान खान (Imran Khan) देखील दिसत आहेत. फोटोमध्ये इमरान खानला पाहून अनेक नेटकरी अचंबित झाले. काहींनी आयराच्या फोटोला कमेंट्स देखील केल्या.
आयरानं फोटो शेअर करून त्याला कॅप्शन दिलं, 'जो पर्यंत तुमचे लग्न होत नाही तो पर्यंत तुम्ही ईदी घेऊ शकता. मला वाटलं की 18 वर्षा पूर्ण झाल्यानंतर तुम्ही ईदी घेऊ शकत नाही. आपण रोज नवं काही तरी शिकत असतो. ' आयराच्या या फोटोला नेटकऱ्यांनी कमेंट करून इमरान खानला 'कुठे होता इतके दिवस?' असा प्रश्न विचारला आहे.
आयरा ही एंग्झायटी अटॅक्स (Anxiety Attacks) या आजाराशी झुंज देत आहे. इरा खानने सोशल मीडियावर फोटो पोस्ट करत चाहत्यांना ही बातमी दिली होती. फोटो पोस्ट करत तिने एंग्झायटी अटॅक्स संदर्भात चाहत्यांना माहिती दिली. तिने लिहिले,"आता मला एंग्झायटी अटॅक्स येऊ लागले आहेत. मी केव्हाही घाबरते आणि कधीही रडते. हे फार भयंकर आहे".
संबंधित बातम्या