Rashmika Madanna : ‘पुष्पा’मध्ये (Pushpa The Rise) आपल्या धमाल नृत्याने प्रेक्षकांना भुरळ घालणाऱ्या रश्मिका मंदनाच्या (Rashmika Mandanna) हसऱ्या चेहऱ्याने प्रत्येकजण आश्चर्यचकित झाला आहे. अभिनेत्रीची लोकप्रियता दिवसेंदिवस वाढत आहे. प्रत्येकाला तिच्या या हसऱ्या चेहऱ्याचे रहस्य जाणून घ्यायचे आहे. रश्मिकाला नेहमी एक प्रश्न विचारला जातो की, तू स्वतःला नेहमीच सकारात्मक कसे ठेवतेस? आणि नेहमी हसरी कशी दिसतेस?. या प्रश्नाचे उत्तर रश्मिकाच्या आईच्या शिकवणीत दडलेले आहे. होय, रश्मिका नेहमीच तिच्या आईच्या शिकवणीचे पालन करते.
मुलाखतीत विचारलेल्या या प्रश्नाला उत्तर देताना रश्मिकाने सांगितले की, तिच्या आईने तिला नेहमीच सार्वजनिक ठिकाणी कधीही अश्रू ढाळू नका, असे शिकवले आहे. कुणासमोर रडू नकोस, तुझे अश्रू पुसायला कोणी येणार नाही, अशी शिकवण तिला आईने दिली आहे. रश्मिका म्हणाली की, मी कितीही नाराज असले, तरी सार्वजनिक ठिकाणी कधीच रडका चेहरा करत नाही. यासोबतच रश्मिकाने तिचा ‘जीवन मंत्र’ही चाहत्यांशी शेअर केला. रश्मिक म्हणाली की, जेव्हा तुम्ही जगाकडे हसताना पाहाल, तेव्हा जग तुम्हाला हसताना दिसेल.
‘पुष्पा’ चित्रपटानंतर रश्मिकाकडे बॉलिवूड चित्रपटांची ओढ लागली आहे. डिसेंबरमध्ये प्रदर्शित झालेल्या ‘पुष्पा द राइज’ या चित्रपटाची क्रेझ सोशल मीडियावर अजूनही कायम आहे. पुष्पाच्या स्टाईल आणि संवादांपासून ते श्रीवल्लीच्या किलर परफॉर्मन्सपर्यंत सगळे काही प्रेक्षकांना थक्क करणारे आहे. या चित्रपटाने केवळ साऊथमध्येच धुमाकूळ घातला नाही, तर बॉलिवूडमध्येही धुमाकूळ घातला. रश्मिका मंदान्नाच्या वर्कफ्रंटबद्दल बोलायचे तर, ती लवकरच सिद्धार्थ मल्होत्रासोबत 'मिशन मजनू' या चित्रपटातून बॉलिवूडमध्ये पदार्पण करणार आहे.
हेही वाचा :
- Gangubai Kathiawadi : रणवीर सिंगकडून आलियाच्या ‘गंगूबाई काठियावाडी’चं जोरदार प्रमोशन, ‘ढोलिडा’वर धरला ठेका!
- Prajaktta Mali : ‘लहान तोंडी मोठा घास…पण आता बोलायला हवे!’, प्राजक्ता माळीची पोस्ट सोशल मीडियावर चर्चेत
- Kangana Ranaut : ‘असा कचरा विकू नका’, कंगना रनौतची दीपिकाच्या ‘Gehraiyaan’वर सडकून टीका!
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha