Dasvi Twitter Review  : बॉलिवूड अभिनेता अभिषेक बच्चनचा (Abhishek Bachchan) ‘दसवीं’ (Dasvi) हा नवा चित्रपट प्रदर्शित झाला आहे. हा चित्रपट OTT प्लॅटफॉर्मवर प्रदर्शित झाला असून, ज्या लोकांनी तो आतापर्यंत पाहिला आहे ते सोशल मीडियावर आपल्या भरभरून प्रतिक्रिया देत आहेत. चित्रपटाचा टीझर प्रदर्शित झाल्यानंतरच या चित्रपटात अभिषेक बच्चनचा दमदार अभिनय पाहायला मिळणार असल्याचा अंदाज लोक बांधू लागले होते. चित्रपटाचा ट्रेलर रिलीज झाल्यानंतर लोकांच्या अपेक्षा आणखी वाढल्या होत्या. आता चित्रपट पाहिल्यानंतर अभिषेक बच्चन लोकांच्या अपेक्षांवर खरा उतरला आहे, हे लोकांच्या प्रतिक्रियांवरून स्पष्ट होतेय. यासोबतच यामी गौतमनेही (Yami Gautam) आपल्या दमदार अभिनयाने लोकांची मने जिंकली आहेत.


नेटकऱ्यांकडून ‘दसवी’चे कौतुक!


‘दसवीं’ चित्रपट पाहिल्यानंतर ट्विटरवर लोक आपल्या प्रतिक्रिया देत आहेत. एका यूजरने लिहिले की, हा चित्रपट अभिषेक बच्चनसाठी गेम चेंजर ठरू शकतो. त्याच वेळी, दुसर्‍या वापरकर्त्याच्या मते, ‘दसवीं’च्या माध्यमातून अभिषेक बच्चनला आपली प्रतिभा दाखवण्याची पूर्ण संधी मिळाली आहे. यासोबतच यामी गौतमच्या दमदार अभिनयाचेही लोकांनी कौतुक केले आहे. ‘दसवीं’ हा चित्रपट नेटफ्लिक्स आणि जिओ सिनेमावर रिलीज झाला आहे. या चित्रपटात निम्रत कौरचीही महत्त्वाची भूमिका आहे.






‘दसवीं’ चित्रपटाची कथा


या चित्रपटाची कथा एका अशा माणसावर आधारित आहे, जो चिंता न करता जीवनाचा आनंद घेतो आणि भ्रष्टाचार करण्यात गुंततो. त्याच्या आयुष्यात एक टर्निंग पॉइंट येतो, जेव्हा त्याला जेलमध्ये जावे लागते. त्यावेळी जीवनात शिक्षण किती महत्त्वाचे आहे, याची जाणीव त्याला होते. तुरुंगात गेल्यावर तो दहावीची परीक्षा देण्याचा निर्णय घेतो. या दरम्यान त्याच्या मार्गात अनेक प्रकारची संकटही येतात. या सगळ्यात तो आपल्या निर्णयावर कसा ठाम राहतो... याभोवती चित्रपटाची कथा विणलेली आहे.


हेही वाचा :