Border 2 Movie Review: 1997 साली प्रदर्शित झालेला बॉर्डर हा एक कल्ट क्लासिक सिनेमा आहे. हा चित्रपट भारत पाकिस्तान युद्धातील ऐतिहासिक लोंगेवालाच्या लढाईवर आधारीत आहे. या देशभक्तीपर चित्रपटात सनी देओल, सुनील शेट्टी, जॅकी श्रॉफ आणि अक्षय खन्ना मुख्य भूमिकेत आहेत. भारतीय सैनिकांचे शौर्य आणि संघर्ष यात प्रभावीपणे दाखवण्यात आले आहे. या चित्रपटाचा सिक्वेल म्हणजेच बॉर्डर 2 नुकताच प्रदर्शित झाला. या चित्रपटाच्या ट्रेलर आणि गाण्यांना प्रेक्षकांकडून भरभरून प्रतिसाद मिळत आहे. तर, काहींनी या चित्रपटाला ट्रोल देखील केलं. बॉर्डर 2 ही एक उत्कृष्ट फिल्म असून, या चित्रपटात लष्कर, नौदल आणि हवाई दलातील सैनिकांचे आयुष्य दाखवण्याचा प्रयत्न झाला आहे. या चित्रपटात वीर जवानांची कथा सांगण्यात आली आहे.
या चित्रपटात कुटुंबातील दु:ख, दुरावा आणि आनंदाचे क्षणही दाखवण्यात आले आहे. यामुळे प्रेक्षक काही प्रमाणात इमोशनल होतात. या चित्रपटातील VFX मुळे प्रेक्षकांचा काही प्रमाणात गोंधळ उडतो. परंतु, चित्रपटातील इमोशन्स, जवानांच्या लढाईंमुळे हा चित्रपट प्रेक्षकांना खिळवून ठेवतो.
बॉर्डर 2 चित्रपटाची कथा कशावर आधारीत आहे?
बॉर्डर 2 या चित्रपटात 1971 साली प्रदर्शित झालेल्या भारत पाकिस्तान युद्धाची कथा मांडण्यात आली आहे. पहिल्यांदाच तिन्ही सैनांनी आर्मी, नेव्ही आणि एअरफोर्सने एकत्र युद्ध केले. या चित्रपटातील कथा अत्यंत भावनिक आहे. सुरुवातीपासून हा चित्रपट प्रेक्षकांना खिळवून ठेवतो. जवानांच्या कुटुंबाच्या कथा अत्यंत भावनिकरित्या मांडल्या आहेत. हे सीन्स पाहून काही प्रेक्षक भावनिक होतात. यामुळे आपल्या भारतीय जवानांप्रति गर्व आणि अभिमान वाढतो. VFX काही ठिकाणी खराब आहेत. पण हा चित्रपट केवळ VFX वर अवलंबून नाही तर, जवानांची वीरता आणि त्यांच्या कथांवर आधारीत आहे. या सगळ्यापुढे VFX तितकी महत्त्वाची वाटत नाही.
या चित्रपटात म्युझिक उत्तमरित्या वापरण्यात आले आहे. काही गाणी कथेला पुढे नेण्यास मदत करतात. तसेच चित्रपटाला वेगळा आयाम देतात. पहिला हाफ चित्रपट उत्कृष्ट आहे. सैनिकांच्या कुटुंबातील कथा ह्रदयस्पर्शी आहेत. VFX चा अधिक वापर नाही. मात्र, दुसरा हाफ पहिल्यापेक्षा थोडा कमी प्रभावी आहे. VFX काही ठिकाणी खटकतात.
बॉर्डर 2 या चित्रपटात सनी देओल, वरूण धवन, आहान शेट्टी, मोना सिंह, मेधा राणा, सोनम बाजवा, यांनी उल्लेखनीय कामगिरी केली आहे. या चित्रपटाचे दिग्दर्शक अनुराग सिंह यांनी बॉर्डरची लीगेसी सांभाळून फिल्म तयार केला आहे. या चित्रपटातील म्युझिक शानदार आहे. प्रत्येक गाणं कथेला पुढे नेतं आणि चित्रपटाला वेगळा आयाम देतं. तरीही म्युझिकचा थोडा अधिक वापर केल्यास चित्रपट आणखी प्रभावी होऊ शकलाच असता. हा चित्रपट सिनेमागृहात जाऊन नक्की पाहावा.
रेटिंग - 3.5 स्टार्स