Shah Rukh Khan : बॉलिवूडचा बादशाह शाहरुख खानप्रमाणेच (Shah Rukh Khan) गौरी खानदेखील (Gauri Khan) लोकप्रिय आहे. गौरी खान सिनेमांत काम करत नसली तरी ती बॉलिवूडची एक नामांकित इंटीरियर डिजायनर आहे. तसेच ती शाहरुखच्या रेड चिलीज या प्रोडक्शन हाऊसचे कामदेखील सांभाळते. 'मन्नत'चा एक-एक कोपरा गौरीने सजवला आहे. अशातच आता गौरीने 'मन्नत'मधील काही फोटो शेअर करत चाहत्यांना 'मन्नत'ची झलक दाखवली आहे.
गौरीने काही दिवसांपूर्वी मन्नतमध्ये इंटिरियर बदल केले होते. आता गौरीने मन्नतमधील काही फोटो शेअर केले आहे. या फोटोत गौरी स्वत: दिसत आहे. या फोटोंध्ये गौरी ग्लॅमरस अंदाजात दिसत आहे. फोटो शेअर करत गौरीने लिहिले आहे,"काळ्या आणि पांढऱ्या रंगाचा योग्य प्रमाणात वापर केला तर एक वेगळा लूक मिळू शकतो. मन्नतमध्ये अनेक छोटे-मोठे बदल करून झाले आहेत".
2023 मध्ये किंग खान करणार धमाका
शाहरुख खानचे अनेक प्रोजेक्ट सध्या पाईपलाईनमध्ये आहेत. यात 'पठाण', 'डंकी' आणि 'जवान' या सिनेमांचा समावेश आहे. 'पठाण' सिनेमाच्या दिग्दर्शनाची धुरा सिद्धार्थ आनन्द करत आहे. या सिनेमात शाहरुखसोबत दीपिका पादुकोण आणि जॉन अब्राहमदेखील दिसणार आहेत. 'डंकी' या सिनेमाचे दिग्दर्शन राजकुमार हिराणी करणार आहेक. तर अटली कुमार 'जवान' सिनेमाचे दिग्दर्शन करणार आहे. या सिनेमात शाहरुखसोबत तापसी पन्नू आणि नयनतारादेखील दिसणार आहे.
संबंधित बातम्या