Vivek Agnihotri Apartment : गेल्या काही दिवसांपूर्वी विवेक अग्निहोत्रीचा (Vivek Agnihotri) 'द कश्मीर फाईल्स' (The Kashmir Files) हा सिनेमा प्रेक्षकांच्या भेटीला आला असून या सिनेमामुळे विवेक चांगलाच चर्चेत आला. आता विवेक पुन्हा एकदा चर्चेत आला आहे. विवेकने मुंबईतील वर्सोव्यात एक अपार्टमेंट विकत घेतली आहे. या अपार्टमेंटची किंमत 17 कोटी 92 लाख असल्याचं म्हटलं जात आहे.
विवेक अग्निहोत्री आणि त्याची पत्नी पल्लवी जोशीने मुंबईत एक अपार्टमेंट खरेदी केली आहे. त्यांनी प्रोजेक्ट एक्स्टसी रिअॅलिटी डेव्हलपच्या माध्यमातून प्रॉपर्टी खरेदी केली आहे. पल्लवी आणि विवेकने खरेदी केलेले अपार्टमेंट 30 व्या मजल्यावर आहे. या अपार्टमेंटमध्ये कार पार्किंगचे तीन स्लॉटदेखील आहेत.
'द कश्मीर फाईल्स'चा बॉक्स ऑफिसवर धुमाकूळ
विवेक अग्निहोत्रीने खरेदी केलेल्या अपार्टमेंटच्या प्रत्येक स्क्वेअर फूटची किंमत 55 हजार आहे. या अपार्टमेंटसंबंधी सर्व माहिती Indextap.com वर उपलब्ध आहे. विवेक अग्निहोत्रीचा 'द कश्मीर फाईल्स' हा सिनेमा चांगलाच गाजला होता. हा सिनेमा वादाच्या भोवऱ्यातदेखील अडकला होता. या सिनेमाने बॉक्स ऑफिसवर 340 पेक्षा अधिक कोटींची कमाई केली होती.
विवेक अग्निहोत्री सोशल मीडियावर अॅक्टिव्ह
'द कश्मीर फाईल्स' या सिनेमात मिथुन चक्रवर्ती, अनुपम खेर, दर्शन कुमार, पल्ल्वी जोशी, चिन्मय मांडलेकर महत्त्वाच्या भूमिकेत आहेत. सिनेमागृहात धुमाकूळ घातल्यानंतर हा सिनेमा झी 5 या ओटीटी प्लॅटफॉर्मवरदेखील प्रदर्शित झाला आहे. 'द कश्मीर फाईल्स' या सिनेमानंतर विवेक अग्निहोत्रींचे अनेक प्रोजेक्ट पाईपलाईनमध्ये असून सध्या ते सोशल मीडियावर चांगलेच अॅक्टिव्ह आहेत.
संबंधित बातम्या