Vikram Vedha : 'विक्रम वेधा'चे शूटिंग पूर्ण, हृतिक रोशनने शेअर केला सैफ अली खानसोबतचा खास फोटो!

Vikram Vedha : बॉलिवूड अभिनेता हृतिक रोशनचा (Hrithik Roshan) आगामी चित्रपट 'विक्रम वेधा' (Vikram Vedha) या वर्षातील बहुप्रतिक्षित चित्रपटांपैकी एक आहे.

Vikram Vedha : बॉलिवूड अभिनेता हृतिक रोशनचा (Hrithik Roshan) आगामी चित्रपट 'विक्रम वेधा' (Vikram Vedha) या वर्षातील बहुप्रतिक्षित चित्रपटांपैकी एक आहे. आर माधवन (R Madhavan) आणि विजय सेतुपती (Vijay xsethupathi) यांच्या 'विक्रम वेधा'च्या हिंदी रिमेकची घोषणा झाल्यापासून लोक त्याची आतुरतेने वाट पाहत आहेत. त्याच वेळी, आता हा चित्रपट 30 सप्टेंबर 2021 रोजी चित्रपटगृहांमध्ये प्रदर्शित होणार असल्याची चर्चा सुरु आहे. या चित्रपटाचे शूटिंग पूर्ण झाले आहे. याबाबत माहिती देताना अभिनेता हृतिक रोशनने सोशल मीडियावर एक पोस्ट शेअर केली आहे.

'विक्रम वेधा'च्या सेटवरील फोटो शेअर करत हृतिक रोशनने लिहिले की, 'शूटिंग पूर्ण होताच या सेटशी निगडित सर्व आनंदी आठवणी माझ्या मनात ताज्या झाल्या आहेत. कृती, साहस आणि कठोर परिश्रम.... 'विक्रम वेधा' तुमच्यासाठी खास बनवण्यासाठी आम्ही सर्वतोपरी प्रयत्न केले आहेत. उत्साही असण्याबरोबरच, आज मी थोडा काळजीतही आहे.. जसजशी रिलीजची तारीख जवळ येईल, तसतशी चिंताही वाढेल.’ या चित्रपटाद्वारे हृतिक तीन वर्षांनंतर मोठ्या पडद्यावर अॅक्शन-पॅक अवतारात परतणार आहे.

पाहा पोस्ट :

ऑक्टोबर 2021 मध्ये सुरू झालेल्या या चित्रपटाचे शूटिंग आता पूर्ण झाले आहे. याची माहितीही हृतिकने ट्विटवर शेअर केली आहे. अबू धाबीपासून लखनऊ आणि मुंबईपर्यंत अनेक शहरांमध्ये चित्रपटाचे शूटिंग झाले आहे. शूटिंग संपल्यानंतर, चित्रपट आता त्याच्या पोस्ट-प्रॉडक्शन टप्प्यात आहे आणि या वर्षाच्या येत्या काही महिन्यांतच हा चित्रपट प्रदर्शित होईल.

हृतिक रोशन, सैफ अली खानचे पात्र कसे असेल?

'विक्रम वेधा' या चित्रपटात हृतिक रोशन 'वेधा'च्या भूमिकेत दिसणार आहे. नुकताच निर्मात्यांनी हृतिक रोशनचा फर्स्ट लूक रिलीज केला होता. पहिल्या लूकमध्ये दाढी-मिशी, डोळ्यांवर चष्मा, कुर्ता, गळ्यात काळा दोरा, विखुरलेले केस, चेहऱ्यावर रक्ताचे डाग यात हृतिक एकदम खलनायक दिसत होता. या चित्रपटात हृतिक रोशन ‘वेधा’ची भूमिका साकारताना दिसणार आहे. तर, सैफ अली खान (Saif Ali Khan) या चित्रपटात 'विक्रम'ची भूमिका साकारताना दिसणार आहे.

काय आहे कथानक?

'विक्रम आणि वेताळ' या भारतीय लोककथेवर आधारित, 'विक्रम वेधा' हा एक उत्कृष्ट अॅक्शन क्राईम थ्रिलर चित्रपट आहे, एका कठोर पोलीस अधिकाऱ्याच्या कथेभोवती फिरतो. जो एक खतरनाक गुंड शोधण्यासाठी आणि त्याला पकडण्यासाठी निघतो. या चित्रपटात अभिनेता हृतिक रोशन आणि सैफ अली खान दोन सुपरस्टार एकत्र काम करत आहेत.

हेही वाचा :