Vicky Kaushal First Look : बॉलिवूड अभिनेता विकी कौशलच्या (Vicky Kaushal) चाहत्यांसाठी आनंदाची बातमी आहे. विकी आता अनुराग कश्यपच्या (Anurag Kashyap) आगामी सिनेमात झळकणार आहे. 'अलमोस्ट प्यार विथ डीजे मोहब्बत' (Almost Pyaar With DJ Mohabbat) असे या सिनेमाचे नाव आहे. सिनेमातील विकीचा लूक समोर आला असून या सिनेमात विकी 'डीजे'च्या भूमिकेत दिसणार आहे.
विकी कौशलने फर्स्ट लूक चाहत्यांसोबत शेअर केला आहे. व्हिडीओ शेअर करत त्याने अनुराग कश्यपसाठी खास पोस्ट लिहिली आहे. त्याने लिहिलं आहे,"मला पहिला ब्रेक देणाऱ्या माणसावर माझं खूप प्रेम आहे. आता मी डीजेवाला झालो आहे". विकीचा हा व्हिडीओ सध्या सोशल मीडियावर चांगलाच व्हायरल होत आहे.
'अलमोस्ट प्यार विथ डीजे मोहब्बत' या सिनेमातील भूमिकेबद्दल विकी कौशल म्हणाला,"अनुराग सरांनी आजवर एक उत्तम मार्गदर्शक, मित्र म्हणून मला पाठिंबा दिलेला आहे. सिनेजगतातील ते माझे आदर्श आहेत. त्यामुळे त्यांनी जेव्हा मला सिनेमासाठी विचारणा केली तेव्हा मी लगेच होकार दिला. हा माझ्या खास मित्राने बनवलेला खास सिनेमा आहे".
'अलमोस्ट प्यार विथ डीजे मोहब्बत' 'या' दिवशी येणार प्रेक्षकांच्या भेटीला!
'अलमोस्ट प्यार विथ डीजे मोहब्बत' हा सिनेमा 3 फेब्रुवारी 2023 रोजी सिनेमागृहात प्रदर्शित होणार आहे. या सिनेात विकी कौशलसोबत अलायादेखील मुख्य भूमिकेत झळकणार आहे. तर करण मेहता या सिनेमाच्या माध्यमातून बॉलिवूडमध्ये पदार्पण करत आहे. गेल्या काही दिवसांपूर्वी या सिनेमाचा ट्रेलर प्रेक्षकांच्या भेटीला आला असून आता प्रेक्षक या सिनेमाची प्रतीक्षा करत आहेत.
अनुराग कश्यपच्या 'मसान' या सिनेमाच्या माध्यमातून विकी कौशलने सिनेसृष्टीत पदार्पण केलं आहे. बॉक्स ऑफिसवर हा सिनेमा फ्लॉप ठरला होता. पण या सिनेमातील विकीच्या अभिनयाचं मात्र कौतुक झालं होतं. या सिनेमात विकी कौशलसोबत ऋचा चड्ढा आणि श्वेता त्रिपाठी मुख्य भूमिकेत झळकले होते.
सहाय्यक दिग्दर्शक म्हणून मनोरंजनविश्वात एन्ट्री!
बॉलिवूडमध्ये अभिनेता होण्यापूर्वी विकी कौशलने 'गँग्स ऑफ वासेपूर' या चित्रपटासाठी सहाय्यक दिग्दर्शक म्हणून काम केले होते. विकी दिग्दर्शक अनुराग कश्यपला आपला गुरू मानतो. त्यांच्याकडून प्रेरणा घेऊनच त्यांने थिएटर करायला सुरुवात केली. विकी कौशल अनुराग कश्यपच्या 'लव शव ते चिकन खुराना' आणि 'बॉम्बे वेल्वेट' या चित्रपटांमध्ये छोट्या भूमिकेत दिसला होता.
संबंधित बातम्या