Urvashi Rautela Hospitalised : अभिनेत्री उर्वशी रौतेला (Urvashi Rautela) नेहमीच चर्चेत असते. उर्वशीच्या पर्सनल आणि प्रोफेशनल लाईफबद्दल जाणून घेण्यास चाहते नेहमीच उत्सुक असतात. आता उर्वशी रौतेलाच्या चाहत्यांसाठी एक चिंताजनक बातमी समोर आली आहे. उर्वशी रौतेला हिला रुग्णालयात भरती करण्यात आलं आहे. चित्रपटाच्या शूटींगदरम्यान उर्वशीला दुखापत झाल्याची माहिती समोर येत आहे. उर्वशीला हैदराबादमध्ये शूटींगदरम्यान गंभीर दुखापत झाल्याची माहिती समोर येत आहे. यामुळे तिला उपचारांसाठी रुग्णालयात दाखल करण्यात आलं आहे.
अभिनेत्री उर्वशी रौतेला रुग्णालयात भरती
उर्वशी रौतेला ही हैदराबादमध्ये चित्रीकरणादरम्यान जखमी झाली आहे. हैदराबादमध्ये चित्रपटाच्या शूटींगदरम्यान फ्रॅक्चर झाल्याची माहिती समोर येत आहे. अभिनेत्री उर्वशी रौतेला साऊथचे दिग्गज सुपरस्टार नंदमुरी बालकृष्ण यांच्या 'एनबीके 109' या तेलुगु चित्रपटात झळकणार आहे. 'एनबीके 109' चित्रपटाच्या शूटींगवेळी उर्वशीला दुखापत झाल्याचं समोर आलं आहे.
शूटींगवेळी ॲक्शन सीन करताना फ्रॅक्चर
मीडिया रिपोर्टनुसार, हैदराबादमध्ये चित्रपटाच्या शूटिंगदरम्यान जखमी झाल्याने उर्वशीला रुग्णालयात दाखल करण्यात आलं आहे.मीडिया रिपोर्ट्सवर विश्वास ठेवला तर उर्वशीच्या टीमने जारी केलेल्या प्रेस स्टेटमेंटमध्ये तिला गंभीर फ्रॅक्चर झाल्याचं सांगण्यात आलं आहे. सध्या तिला रुग्णालयात दाखल करण्यात आलं असून, तिथे त्याच्यावर उपचार केले जात आहेत. हाय-ऑक्टेन सीन शूट करताना तिला फ्रॅक्चर झालं आणि तेव्हापासून तिला वेदना होत आहेत, असंही उर्वशीच्या टीमने सांगितलं आहे.
'एनबीके 109'मध्ये बॉबी देओलही मुख्य भूमिकेत
उर्वशी रौतेला दिग्गज दक्षिणात्या अभिनेते बालकृष्ण यांच्या 'एनबीके 109' या तेलगु चित्रपटात झळकणार आहे. या चित्रपटात अभिनेता बॉबी देओल हा देखील मुख्य भूमिकेत दिसणार आहे. सध्या या चित्रपटाचं तिसऱ्या शेड्युलमधील चित्रीकरण हैदराबादमध्ये सुरु असल्याची माहिती आहे. बॉबी कोळी दिग्दर्शित या चित्रपटाला थमन एस यांनी संगीत दिलं आहे. 'एनबीके 109' हा चित्रपट नोव्हेंबर 2024 मध्ये प्रदर्शित होण्याची शक्यता वर्तवली जात आहे. मात्र निर्मात्यांनी अद्याप हा चित्रपट प्रदर्शित होण्याची तारीख जाहीर केलेली नाही.
महत्त्वाच्या इतर बातम्या :