The Vaccine War And Chandramukhi 2 Box Office Collection: काल (28 सप्टेंबर) अनंत चतुर्दशीच्या (Ananta Chaturdashi) दिवशी गणेशभक्तांनी लाडक्या बाप्पाला निरोप दिला. याच दिवशी दोन चित्रपट प्रेक्षकांच्या भेटीस आले. काल अभिनेते नाना पाटेकर (Nana Patekar) यांचा द वॅक्सिन वॉर (The Vaccine War) हा चित्रपट रिलीज झाला. तसेच अभिनेत्री कंगना रनौतचा (Kangana Ranaut) चंद्रमुखी-2 (Chandramukhi 2) हा चित्रपट देखील प्रेक्षकांच्या भेटीस आला. या दोन्ही चित्रपटांची बॉक्स ऑफिसवर टक्कर झाली. चंद्रमुखी-2 आणि द वॅक्सिन वॉर या चित्रपटांची बॉक्स ऑफिसवर संथ सुरुवात झाली आहे. दोन्ही चित्रपटांच्या बॉक्स ऑफिसवर कलेक्शनबाबत जाणून घेऊयात...
'द वॅक्सिन वॉर' चे कलेक्शन (The Vaccine War Box Office Collection)
दिग्दर्शक विवेक अग्निहोत्री यांचा 'द वॅक्सिन वॉर' हा चित्रपट काल रिलीज झाला.Sacnilk च्या रिपोर्टनुसार ओपनिंग डेला 'द वॅक्सिन वॉर' या चित्रपटानं जवळपास 1.3 कोटींची कमाई केली आहे. या चित्रपटामध्ये नाना पाटेकर यांच्यासोबतच पल्लवी जोशी, रायमा सेन, अनुपम खेर, गिरिजा ओक, निवेदिता भट्टाचार्य, सप्तमी गौडा आणि मोहन कपूर या कलाकारांनी देखील प्रमुख भूमिका साकारली.
चंद्रमुखी-2 चे कलेक्शन (Chandramukhi 2 Box Office Collection)
कंगना रनौतच्या चंद्रमुखी-2 या चित्रपटाची प्रेक्षक उत्सुकतेने वाट बघत होते. Sacnilk च्या ट्रेंड रिपोर्टनुसार, 'चंद्रमुखी 2' ने रिलीजच्या पहिल्या दिवशी 7.50 कोटी रुपये कमवले आहेत.
वीकेंडला चंद्रमुखी-2 आणि 'द वॅक्सिन वॉर' हे दोन्ही चित्रपट जास्त कमाई करतील, असा अंदाज लावला जात आहे. 'चंद्रमुखी 2' आणि 'द वॅक्सिन वॉर' या चित्रपटांसोबतच फुकरे-3 हा चित्रपट देखील रिलीज झाला. या चित्रपटानं रिलीजच्या पहिल्या दिवशी जवळपास 8.5 कोटींंची कमाई केली, असं म्हटलं जात आहे. फुकरे-3 या कॉमेडी चित्रपटाला प्रेक्षकांची पसंती मिळत आहे.
संबंधित बातम्या: