The Kapil Sharma Show : विनोदवीर कपिल शर्मा (Kapil Sharma) सध्या 'द कपिल शर्मा शो'मुळे (The Kapil Sharma Show) चर्चेत आहे. आता या कार्यक्रमाच्या शूटिंगला सुरुवात झाली असून लवकरच नवे पर्व प्रेक्षकांच्या भेटीला येणार आहे. मुंबईतील सिटी स्टूडिओमध्ये या कार्यक्रमाचं शूटिंग होत आहे. 'द कपिल शर्मा शो'च्या नव्या पर्वातील पहिल्या भागात अक्षय कुमार (Akshay Kumar) सहभागी होणार आहे.
'द कपिल शर्मा शो'च्या शूटिंगला सुरुवात
पिंकव्हिलाने दिलेल्या माहितीनुसार, गेल्या काही दिवसांपासून कपिल आणि त्याची टीम 'द कपिल शर्मा शो'च्या नव्या पर्वाची तयारी करत आहेत. 'द कपिल शर्मा शो'च्या येत्या पर्वातील पहिल्या भागात अक्षय कुमार सहभागी होणार असल्याचे म्हटले जात आहे. 'द कपिल शर्मा शो'च्या आगामी भागात अक्षय त्याच्या आगामी 'कटपुतली' सिनेमाचं प्रमोशन करताना दिसून येणार आहे. त्यामुळे या भागात अक्षय कुमारसह रकुल प्रीत सिंह आणि सरगुन मेहतादेखील हजेरी लावणार आहेत.
'द कपिल शर्मा शो'च्या नव्या पर्वात काही बदल करण्यात आले आहेत. या कार्यक्रमात 'सपना'चे पात्र साकारणारे कृष्णा अभिषेकचा करार संपल्याने ते या कार्यक्रमातून बाहेर पडले आहेत. तर भारती सिंह नव्या पर्वाचा भाग नसली तरी मध्ये मध्ये प्रेक्षकांची तिची झलक पाहायला मिळणार आहे.
पिंकव्हिलाने दिलेल्या माहितीनुसार, भारती सिंहने सध्या 'द कपिल शर्मा शो'मधून ब्रेक घेतला आहे. कार्यक्रमातून ब्रेक घेतलेला असला तरी प्रेक्षकांना मध्ये-मध्ये तिची झलक पाहायला मिळणार आहे. भारती सिंहने नुकताच एका गोंडस बाळाला जन्म दिला असून सध्या तिला बाळासोबत वेळ घालवायचा आहे".
संबंधित बातम्या